Գլխավոր դատախազը միջնորդել է պատգամավորներ Հովիկ Աղազարյանի և Տարոն Մարգարյանի նկատմամբ քրեական հետապնդում հարուցելուն համաձայնություն տալու մասին
ԵՐԵՎԱՆ, 12 մարտի․/Նովոստի–Արմենիա/․ Գլխավոր դատախազ Աննա Վարդապետյանը միջնորդել է Ազգային ժողովին պատգամավորներ Հովիկ Աղազարյանի և Տարոն Մարգարյանի նկատմամբ քրեական հետապնդում հարուցելուն համաձայնություն տալու մասին։
Այդ մասին 1lurer.am-ին հարցմանն ի պատասխանեց հաստատել են ՀՀ գլխավոր դատախազությունից:
Հովիկ Աղազարյանի գործի մասին
Հայաստանի հակակոռուպցիոն կոմիտեն քրեական գործ է հարուցել պատգամավոր Հովիկ Աղազարյանի դեմ՝ պետական գաղտնիք հրապարակելու հոդվածով։ 2024 թվականի հոկտեմբերին բյուջեի լսումների ժամանակ Աղազարյանը Քննչական կոմիտեի նախագահ Արգիշտի Քյարամյանին մեղադրել էր բիզնեսի վրա ճնշում գործադրելու և լիազորությունները չարաշահելու մեջ։ Ի պատասխան՝ Քյարամյանն ակնարկել է պատգամավորի որդու հետ կապված հնարավոր կոռուպցիայի մասին.
Վիճաբանությունից հետո նախաձեռնվել է քրեական վարույթ՝ նախաքննությանը միջամտելու փաստով, իսկ Աղազարյանի նկատմամբ հարուցվել է կարգապահական վարույթ։ Նոյեմբերին Քյարամյանը հրաժարական է տվել։ Դեկտեմբերի 3-ին Աղազարյանը հեռացվել է կուսակցությունից՝ գաղտնի տեղեկատվության արտահոսքի և բարոյական չափանիշները խախտելու համար։ Նա նշել է, որ իր հեռախոսի տվյալները գտնվում են վարչապետի ձեռքում։
Տարոն Մարգարյանի գործի մասին
Հայաստանի գլխավոր դատախազության ապօրինի ծագման գույքի բռնագրավման վարչությունը միջնորդություն է ներկայացրել դատարան՝ ԱԺ պատգամավոր, Երևանի նախկին քաղաքապետ Տ.Մ.-ի և նրա հետ փոխկապակցված վեց անձանց գույքը հօգուտ հանրապետության բռնագանձման պահանջի մասին։
Լրատվամիջոցները գրում են, որ խոսքը ընդդիմադիր «Պատիվ ունեմ» խմբակցության անդամ, Երևանի նախկին քաղաքապետ Տարոն Մարգարյանի մասին է։
