ԵՐԵՎԱՆ, 19 հունիսի. /Նովոստի–Արմենիա/. Հայաստանի Ազգային ժողովի պատգամավոր, գեներալ Մանվել Գրիգորյանը հերոսից վերածվեց «տուշոնկա» գողացողի, լրագրողների հետ զրույցում ասաց ԱԺ պատգամավոր, գեներալ Սեյրան Սարոյանը։
Հունիսի 16–ին ԱԱԾ մամուլի ծառայությունը հայտարարություն տարածեց` նշելով, որ ԱԺ պատգամավոր, գեներալ Մանվել Գրիգորյանը ձերբակալվել է ՀՀ քրեական օրենսգրքի 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով: Հայաստանի Հանրապետության Սահմանադրության 96-րդ հոդվածով սահմանված կարգով, ԱԺ պատգամավորին ազատությունից զրկելու մասին անհապաղ տեղեկացվել է ՀՀ ԱԺ նախագահը: Իսկ հունիսի 18–ին ԱԱԾ–ն հրապարակեց սենսացիոն կադրեր Մանվել Գրիգորյանի ձերբակալությունից։ Տեսանյութում երևում է, որ Մանվել Գրիգորյանի հանգստյան գոտին վերածվել էր զինապահեստի, ռետրո և ժամանակակից ավտոմեքենաների ավտոպարկի: Ակնալճի ամառանոցը գեներալի համար ծառայել է «զինվորի բաժին» նշագրումով սննդի, հիգիենիկ պարագաների, դեղորայքի, զինվորական հանդերձանքի պահեստարանի:
Загружается новость ... "Лево"
Նախօրեին Հայաստանի կառավարությունը որոշում է կայացրել Գրիգորյանին պատգամավորական անձեռնմխելիությունից զրկելու և քրեական հետապնդում սկսելու մասին ԱԺ արտահերթ նիստ գումարելու վերաբերյալ։ Նիստը սկսվել է այսօր ժամը 11։00–ին։ «Ես ասել եմ, որ զինվորից գողացողին Աստված կպատժի։ Այժմ նրան կպատժի և Աստված, և դատախազը»,– ասաց Սարոյանը։
Նա նշեց, որ «Երկրապահը» չէր կարող սպառազինություն չունենալ, բայց այս քանակության պարենի հայտնաբերումը շոկ էր իր համար։ «Ես այժմ կարծում եմ, թե ինչպես է նայելու աչքերիս երդում տալուց հետո։ Ինչպե՞ս շփվեմ հետը սրանից հետո։ Այնքան հիասթափված եմ, որ ինձ այլևս ոչինչ չի հետաքրքրում»,– ասաց Սարոյանը։ Միաժամանակ պատգամավորը նշեց, որ Գրիգորյանն այնքան փակ մարդ է, որ ոչ ոք չի կարող գլուխ գովալ, թե գիտի նրա սեփականության մասին։ -0-
Լավրովը հայտարարել է, որ Հայաստանի ղեկավարությունը հորինված պատրվակներով, խեղաթյուրելով վերջին երեք-երեքուկես տարվա պատմությունը, միտումնավոր տանում է Ռուսաստանի Դաշնության հետ հարաբերությունների փլուզման
Փաշինյանը հայտարարել է, որ Հայաստանն ակնկալում է, որ Թուրքիայի հռետորաբանությունը նպատակաուղղված չի լինի տարածաշրջանային լարվածության ավելացմանը, այլ կնպաստի տարածաշրջանում երկխոսության ու համագործակցության խթանմանը
Փաշինյանը վրացի գործընկեր Իրակլի Կոբախիձեի հետ համատեղ հայտարարության ժամանակ հիշեցրել է հունվարին երկրների միջև ռազմավարական համագործակցության մասին ստորագրված հուշագրի մասին
