Երբ Փաշինյանը Ծառուկյանի հետ հուշագիր էր կնքում, բռնաբարության դեպքն ընդունելի՞ էր. Տիգրան Քոչարյան
16:10
20 Սեպտեմբերի 2020
ԵՐԵՎԱՆ, 20 սեպտեմբերի./Նովոստի-Արմենիա/. Նիկոլ Փաշինյանը պետք է շատ լավ հասկանա, որ այն ինչում ինքը մեղադրում է Գագիկ Ծառուկյանին, դա և այն անգամ լավ չաշխատեց, և հիմա այլևս չի աշխատելու և շուռ է գալու իր դեմ: Այս մասին «Նովոստի–Արմենիա» գործակալության Youtube–յան ալիքով հեռարձակվող «Հատուկ կարծիք» հաղորդաշարի շրջանակում հայտնել է մեդիափորձագետ Տիգրան Քոչարյանը:
Загружается новость ... "Лево"
«Եթե Փաշինյանն այդքան բարոյականության ջատագով և պաշտպան էր և իր համար զարհուրելի է 41 տարի առաջ տեղի ունեցած դեպքը, ապա ինչու էր Փաշինյանը հեռագիր ստորագրում Ծառուկյանի հետ 2018թ.-ին: Այն ժամանակ ամեն ինչ նորմալ էր, այն ժամանակ խնդիր չկար, այն ժամանակ այդ դեպքը՝ բռնաբարությունն, ընդունելի էր Փաշինյանի համար, այսինքն այսպիսի անհետևողականությունը պահի տակ գործողությունները ավելի շատ վնասեցին Փաշինյանի վարկանիշին, քան Ծառուկյանի»,- նշել է Քոչարյանը:
Մեդիափորձագետի խոսքով, նպատակը Արայիկ Հարությունյանին պաշտպանելն էր:
«Արայիկ Հարությունյանը մտնում է Նիկոլ Փաշինյանի ամենահավատարիմ մարդկանց շատ նեղ շրջանակի մեջ, մոտավորապես 6-7 հոգի են: Պահանջել Փաշինյանից Արայիկ Հարությունյանի հրաժարականը, դա նույնն է, ինչ պահանջել Նիկոլ Փաշինյանից կտրել իր աջ ձեռքը և դեն նետել: Եվ այն անգամ Նիկոլ Փաշինյանն Արայիկ Հարությունյանի «թասիբին» կանգնեց` ասելով, որ ինքը աջակցում է Արայիկ Հարությունյանին, և այս անգամ էլ»,- նշել է Քոչարյանը:
Նա ընդգծել է, որ այստեղ անձի խնդիր չէ, այլ քաղաքականության խնդիրն է:
«Եթե Նիկոլ Փաշինյանը մնում է վարչապետ, ապա Արայիկ Հարությունյանի կամ ՔՊ-ում նրա քաղաքականությունը տանողները միևնույնն է, տանելու են: Երկրորդ, եթե Արայիկ Հարությունյանը դուրս գա պաշտոնից, որևէ երաշխիք չկա, որ իր տեղում կնշանակվի ազգային մտածողությամբ, ավանդույթները հարգող, կրթական համակարգին տիրոպետող որևէ անձ»,- նշել է նա՝ ընդգծելով, խնդիրը կրթության հետ Արայիկ Հարությունյանի փոփոխությամբ չի լուծվում, և ավելի կծիկավոր է դառնում:
«Խնդիրը Արայիկ Հարությունյանի մեջ չէ, խնդիրը Նիկոլ Փաշինյանի մեջ է: Եվ խնդիրը այն քաղաքական թիմի մեջ է, որն այսպիսի կրթական չափանիշներով է փորձում ուղղորդել Հայաստանի զարգացումը մոտակա տարիների ընթացքում»,- նշել է մեդիափորձագետը: -0-
Լավրովը հայտարարել է, որ Հայաստանի ղեկավարությունը հորինված պատրվակներով, խեղաթյուրելով վերջին երեք-երեքուկես տարվա պատմությունը, միտումնավոր տանում է Ռուսաստանի Դաշնության հետ հարաբերությունների փլուզման
Փաշինյանը հայտարարել է, որ Հայաստանն ակնկալում է, որ Թուրքիայի հռետորաբանությունը նպատակաուղղված չի լինի տարածաշրջանային լարվածության ավելացմանը, այլ կնպաստի տարածաշրջանում երկխոսության ու համագործակցության խթանմանը
