Ամերիկյան Չարլսթոն (Արևմտյան Վիրգինիա) քաղաքի դաշնային դատարանը 18 ամսվա բանտային կալանքի է դատապարտել ապահովագրավճարների ստացման նպատակով խարդախության մեջ մեղավոր ճանաչված ՌԴ երկու քաղաքացիների, ուրբաթ հայտնում է ՌԻԱ Նովոստին՝ հղում անելով Ասոշիեյթիդ Փրես գործակալությանը:
Իգոր Շևչուկի (Igor Shevchuk) և Արսեն Բեջանյանի (Arsen Bedzhanyan) նկատմամբ դատավճիռը կայացվել է նրանից հետո, երբ նրանք իրենց մեղավոր են ճանաչել 2010 թվականին ԱՄՆ առողջապահության համակարգի ապահովագրավճարների ստացման խարդախության նպատակով հանցավոր պայմանավորվածության գալու մեջ:
Դատախազի խոսքով, երկու ռուս քաղաքցիները կեղծ փաստաթղթեր են օգտագործել բանկային հաշիվների բացման և տարեց մարդկանց և հաշմանդամների բուապահովագրման դաշնային ծրագրով (Medicare) բժշկական ապահովագրավճարների ստացման համար կեղծ կառուցվածքի ստեղծման նպատակով:
Մասնավորապես, նրանք անհայտ այլ անձանց հետ առնվազն հինգ ֆիկտիվ ընկերություններ են գրանցել: Այդ ընկերությունների կողմից մոտ 3 միլիոն դոլարի բժշկական ապահովագրավճարների դիմումներ ներկայացրել, ասվում է գործի նյութերին կցված Առողջապահության և սոցիալական ապահովման դեպարտայմենտի հատուկ գործակալի վկայական ցուցմունքում:
Ամբաստանյալների աթոռին հայտնված մեկ այլ գործող անձը Հայաստանի քաղաքացի Սարգիս Թադևոսյանն է: Ատենակալները նոյեմբերի 3-ին մեղավոր են ճանաչել Թադևոսյանին խարդախության մեջ: Չնայած մեղադրական վճռին՝ մեղադրյալն արդարացման մասին միջնորդություն է ուղղել դատարան, ինչը թույլատրվում է ամերիկյան օրենսդրությամբ: -0-
