Համաշխարհային աստղ Ջո Կոկերն առաջին անգամ ելույթ կունենա Հայաստանում
ԵՐԵՎԱՆ, 12 հոկտեմբերի. /Նովոստի-Արմենիա/. Բլյուզի և ռոքի լեգենդ Ջո Կոկերը հոկտեմբերի 26-ին միակ համերգով առաջին անգամ ելույթ կունենա Հայաստանում, հաղորդում է «Ամերիաբանկ» ՓԲԸ։
«Համերգը բանկի հոբելյանական հարյուրամյակի կապակցությամբ Ամերիաբանկն է կազմակերպել՝ «Երևանյան հեռանկարներ» միջազգային 11-րդ փառատոնի շրջանակներում»,- ասվում է հաղորդագրության մեջ։
Համերգը կանցկացվի Կարեն Դեմիրճյանի անվան մարզահամերգային համալիրում։
«Ամերիաբանկն» արդեն ավանդական է դարձրել հայ հանդիսատեսի համար հայտնի երաժիշտների ելույթների կազմակերպումը։
«Ամերիաբանկ» ՓԲԸ-ն ներդրումային կորպորատիվ բանկ է, որը ներդրումային, կորպորատիվ և սահմանափակ մանրածախ բանկային ծառայություններ է հատկացնում՝ բանկային որոշումների համալրային փաթեթի տեսքով։
Ամերիաբանկի ռազմավարական գործընկերը Ռուսաստանի խոշոր ներդրումային բանկային ընկերություններից մեկը՝ «Տրոյկա Դիալոգ» խումբն է։ -0-
