Հայկական բանակը պատրաստ է ցանկացած ոտնձգությունների դիմակայման. Օհանյան
Հայկական բանակը պատրաստ է դիմայակելու ցանկացած ոտնձգությունների, շաբաթ օրը հայտարարեց Հայաստանի պաշտպանության նախարար Սեյրան Օհանյանը Ավիացիայի մարշալ Արմենակ Խանփերյանցի անվան Պաշտպանության նախարարության ռազմաավիացիոն ինստւտուտի երիտասարդ սաների երդման արարողության ընթացքում։
«Հայկական բանակը տարածաշրջանի ամենամարտունակներից է և կփորձի համապատասխանել այդ բնագավառի միջազգային չափանիշներին»,- ասեց հայկական պաշտպանական գերատեսչության ղեկավարը։
Նա նշեց, որ ղարաբաղյան խնդրի կարգավորման հետաձգումն ու Ադրբեջանի ռազմատենչ հայտարարությունները ստիպում են հանրապետության Զինված ուժերին կատարելագործել պաշտպանական համակարգը։
Դիմելով սաներին՝ նախարարը համոզմունք հայտնեց, որ նրանք կկարողանան շարունակել իրենց նախնիների փառավոր ավանդույթները և արժանապատվությամբ կկրեն սպայի բարձր կոչումը։
Օհանյանը հիշեցրեց, որ դժվար օրերին՝ 1993 թվականի ապրիլին, փայլուն սպաների կողմից հիմնվեց ավիացիոն կենտրոն, որը ռազմաուսումնական առաջին հաստատությունը դարձավ Հայաստանում։ Ըստ նրա, 17 տարիների ընթացքում հաստատությունն անցել է բարդ, բայց արժանի ճանապարհ։
2001 թվականին ուսումնական հաստատությունը վերակազմավորվել է ինստիտուտի, ինչում, նախարարի կարծիքով, հսկայական է սպայական և դասախոսական կազմի ունեցած ավանդը։
Նա ավելացրեց նաև, որ ինստւտուտի շատ շրջանավարտներ այսօր բարձր պաշտոններ են զբաղեցնում Հայաստանի ԶՈւ-ում։ -0-
