417.11
4.21
388.01
+8
Եղանակը Երևանում
Հայ

Հայաստանը պետք է Ղարաբաղի վերաբերյալ բանաձևի նախաձեռնողը լինի

16:29
06 Սեպտեմբերի 2010

ՄԱԿ-ում Ադրբեջանի կողմից ներկայացված հակահայկական բանաձևերի առնչությամբ Հայաստանը պետք է «հարձակողական» քաղաքականություն վարի և ինքը նման բանաձևեր նախաձեռնի՝ համաշխարհային հանրությանը բացատրելով, որ հենց Ադրբեջանն է ագրեսորը, կարծում է ՀՀ դեմոկրատական կուսակցության ղեկավար Արամ Սարգսյանը:

Ադրբեջանական լրատվամիջոցների տեղեկությունների համաձայն, Բաքուն սեպտեմբերի 9-ին ՄԱԿ-ի ԳՎ 65-րդ նստաշրջանում քվեարկության կներկայացնի «Միջազգային հումանիտար օրենքի և միջազգային չափորոշիչների նորմերի պահպանումը մարդու իրավունքների ոլորտում Ադրբեջանի բռնազավթված տարածքներում» բանաձևի օրինագիծը։

«Եթե Հայաստանը լուրջ աշխատանք անցկացնի այդ ուղղությամբ, ապա նրա նախաձեռնած բանաձևերը կարող են աջակցություն ստանալ: Սակայն ես չգիտեմ՝ տարվում է նման աշխատանք, թե ոչ:  Դատելով նրանից, որ այդ բանաձևերը չեն նախաձեռնվում, ենթադրում եմ, որ չի տարվում»,- երկուշաբթի լրագրողներին ասաց Սարգսյանը:

Ըստ նրա, ադրբեջանական բանաձևերի առնչությամբ ՀՀ ԱԳՆ-ն չպետք է բավարարվի միայն հերթապահ հայտարարություններով, այլ պետք է համապատասխան շեշտադրումներ ուղղի, որոնց մեջ պետք է արտացոլվի հայկական կողմի պաշտոնական դիրքորոշումը:

«Պաշտոնական շեշտադրումները կարող են շատ երկրների կանգնեցնել ադրբեջանական բանաձևերին աջակցելու հարցում»,- կարծում է կուսակցության ղեկավարը:

Ըստ նրա, Հայաստանը պետք է համաշխարհային հանրությանը ներկայացնի նաև Ղարաբաղի շփման գոտում տեղի ունեցող ադրբեջանական սադրիչ գործողությունները, որոնց թվում են նաև ինտերնետում պրոֆեսիոնալ կերպով պատրաստված տեսահոլովակների տարածումը:

Վերջին ոչ լիարժեք երեք ամիսների ընթացքում, Ղարաբաղի շփման գոտում Ադրբեջանը երեք դիվերսիոն ակցիա է իրականացրել, որոնց արդյունքում մարդկային զոհեր են գրանցվել: Օգոստոսի 31-ին և սեպտեմբերի 4-ին կատարված ադրբեջանական դիվերսիաները ձախողվեցին: Ադրբեջանի հետախուզական-դիվերսիոն խմբերը ետ են քաշվել՝ չորս մարդկային զոհ տալով:

«Նման սադրանքներին գնալու ցանկությունը պետք է հետ մղել հզոր ռազմական հարվածով, և դա ստացում է»,- ասաց Սարգսյանը՝ ավելացնելով, որ զուգահեռ պետք է նաև տեղեկատվական աջակցությունը:

Բացի այդ, ըստ կուսակցության ղեկավարի, հայկական կողմը չպետք է լռի նաև Նախիջևանի տարածքում թուրքական զորքերի տեղակայման հնարավորության մասին տարածված խոսակցությունների առնչությամբ:

«Անհրաժեշտ է փաստարկել երկու իրողություն, այն, որ Նախիջևանն Ադրբեջանին է (1921թ.-ի Կարսի պայմանագրով. «Նովոստի-Արմենիա») անցել միայն որպես պրոտեկտորատ, և այն, որ  Ադրբեջանը բռնազավթել է այդ տարածքը»,- ասաց Սարգսյանը՝ ավելացնելով, որ հայկական կողմը չպետք է համակերպվի այդտեղ թուրքական ուժերի տեղակայման հետ: Բացի այդ, ըստ նրա, այդ խոսակցություններին պետք է արձագանքի նաև Ռուսաստանը՝ որպես Կարսի պայմանագրի կողմնակից:

Ղարաբաղյան կարգավորման մասին խոսելիս՝ Սարգսյանը նշեց Մադրիդյան սկզբունքների վտանգավոր կետերը: Ըստ նրա, հատկապես անորոշ են ԼՂՀ անկախությանը վերաբերող ձևակերպումները:

Այդ կապակցությամբ կուսակցության ղեկավարը նշեց, որ չի հասկանում Մադրիդյան սկզբունքների հանդեպ ՀՀ իշխանությունների ոգևորվածությունը:

Մադրիդյան սկզբունքների թվում են, մասնավորապես՝ Լեռնային Ղարաբաղի կարգավիճակի սահմանումը՝ ազատ կամարտահայտության միջոցով, Լեռնային Ղարաբաղի և Հայաստանի միջև ցամաքային կապի ապահովումը, անվտանգության երաշխիքների տրամադրումը, վերահսկվող տարածքներից զորքի դուրսբերումը

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
14:11
08 Մայիսի 2024
Պուտին–Փաշինյան բանակցություններն անհրաժեշտ են և սպասված․ Պեսկով
Պեսկովն անհրաժեշտ և սպասված է անվանել Վլադիմիր Պուտինի և Նիկոլ Փաշինյանի բանակցությունները, որոնք կանցկացվեն այսօր՝ մայիսի 8–ին Մոսկվայում
15:34
06 Մայիսի 2024
Հայաստանն ու Հունգարիան ստորագրեցին 2024–2025թթ․–ի համագործակցության ծրագիր
Բուդապեշտում տեղի է ունեցել  Հայաստանի և Հունգարիայի ԱԳ նախարարներ Արարատ Միրզոյանի և Պետեր Սիյարտոյի ընդլայնված կազմով հանդիպումը
14:04
06 Մայիսի 2024
ՀՀ ԱԺ–ն պատասխանել է ՌԴ Դաշնային խորհրդի նամակին Ալեն Սիմոնյանի հակառուսական հայտարարությունների վերաբերյալ
Ես իմ հայտարարությունների տերն եմ, ինչ ասել եմ, ճիշտ եմ ասել, տեղին եմ ասել, ոչ մի նոր բան չեմ ասել: Նույն բաները պատրաստ եմ այսօր ու մշտապես կրկնել. Ալեն Սիմոնյանը՝ իր հակառուսական հայտարարությունների մասին
11:54
06 Մայիսի 2024
Փաշինյանը չի մասնակցի Պուտինի երդմնակալության արարողությանը
ՀՀ վարչապետը չի մասնակցի ՌԴ նախագահի երդմնակալության արարողությանը
10:34
03 Մայիսի 2024
Միրզոյանը հեռախոսազրույց է ունեցել Ուկրաինայի ԱԳ նախարարի հետ
Կարևորվել է տարածքային ամբողջականության սկզբունքը Երևան–Բաքու հարաբերությունների կարգավորման հարցում
22:01
30 Ապրիլի 2024
Հայաստանը պատրաստ է ապաշրջափակել բոլոր տարածաշրջանային տրանսպորտային ենթակառուցվածքներն Ադրբեջանի և Թուրքիայի հետ․ Միրզոյան
Հայաստանը պատրաստ է ապաշրջափակել բոլոր տարածաշրջանային տրանսպորտային ենթակառուցվածքները, հիմնականում Ադրբեջանի, բայց նաև Թուրքիայի հետ, հայտարարել է Միրզոյանը
16:23
30 Ապրիլի 2024
Հունգարիան արգելափակում է ԵՄ Խաղաղության հիմնադրամից Հայաստանին աջակցության տրամադրումը
Հունգարիան պահանջում է, որ Ադրբեջանը ևս ներառվի ծրագրում
16:10
29 Ապրիլի 2024
Ղազախստանը հանդես չի գա որպես միջնորդ Միրզոյան–Բայրամով հանդիպման ժամանակ
Ղազախստանի ԱԳՆ պաշտոնական ներկայացուցիչը հայտարարել է, որ Ղազախստանը հանդես չի գա որպես միջնորդ Միրզոյան–Բայրամով հանդիպման ժամանակ
13:41
29 Ապրիլի 2024
ԱԳՆ–ից հաստատում են․ Միրզոյանն ու Բայրամովը կհանդիպեն Ալմաթիում
Ղազախական կողմի առաջարկով նախնական պայմանավորվածություն կա Հայաստանի և Ադրբեջանի նախարարների հանդիպման մասին
11:45
29 Ապրիլի 2024
Բլինքենը կոչ է արել Ալիևին պահպանել միջազգային պարտավորություններն ու ազատել Ադրբեջանում անարդարացիորեն ձերբակալվածներին
Բլինքենը կոչ է արել Ադրբեջանին պահպանել իր միջազգային պարտավորությունները մարդու իրավունքների ոլորտում և ազատ արձակել Ադրբեջանում անարդարացիորեն ձերբակալվածներին
11:16
26 Ապրիլի 2024
Հայաստանի և Ադրբեջանի ԱԳ նախարարների հնարավոր հանդիպման ամսաթվի մասին կտեղեկացնենք դրա շուրջ պայմանավորվածություն ձեռք բերվելուն պես․ ՀՀ ԱԳՆ
Ղազախական կողմի առաջարկով Հայաստանի և Ադրբեջանի ԱԳ նախարարների հնարավոր հանդիպման ամսաթվի մասին կտեղեկացնենք դրա շուրջ պայմանավորվածություն ձեռք բերվելուն պես