«Հավաքական անվտանգության պայմանագրի կազմակերպության տեղեկատվական-վերլուծական ամսագրի ստեղծման մասին» ՀԱՊԿ ՀԱԽ որոշման նախագիծը քննարկվել է ուրբաթ օրը Կազմակերպությանն առնընթեր Մշտական խորհրդի նիստի ժամանակ, հաղորդում է Հայաստանում ՀԱՊԿ տեղեկատվության աջակցության միջազգային հանրային կենտրոնի ազգային ներկայացուցչությունը:
Բացի այդ, լիազոր ներկայացուցիչները, լսելով օրակարգի և ՄԱԿ-ի Գլխավոր Վեհաժողովի 65-րդ նստաշրջանի առաջնահերթությունների մասին տեղեկատվությունը, ընդգծել են ՀԱՊԿ և ՄԱԿ քարտուղարների միջև ձեռք բերված համագործակցության զարգացման համաձայնագրերի գործնական իրականացման կարևորությունը:
Քննարկվել են նաև այլ հարցեր, որոնք մտնում են Մշտական խորհրդի իրավասության մեջ:
Նիստին մասնակցել է ՀԱՊԿ գլխավոր քարտուղար Նիկոլայ Բորդյուժան: -0-
