ՀԿԵ-ի էլեկտրագնացքների և գնացքների ժամացուցակը տեղադրված է Յանդեքսում
![ՀԿԵ-ի էլեկտրագնացքների և գնացքների ժամացուցակը տեղադրված է Յանդեքսում ՀԿԵ-ի էլեկտրագնացքների և գնացքների ժամացուցակը տեղադրված է Յանդեքսում](/upload/iblock/1cd/w9cluzt3d7psu6jgrehrx8er0b47q183.jpg)
Միջքաղաքային և միջազգային հաղորդակցություն ապահովող «Հարավկովկասյան երկաթուղի» ՓԲԸ-ի ուղևորափոխադրումների ժամանակացույցը հուլիսի սկզբից կարելի է տեսնել «Յանդեքս» խոշոր ռուսական որոնողական ցանցում, հաղորդում է ՀԿԵ մամուլի ծառայությունը։
Քաղաքամերձ էլեկտրագնացքների և միջազգային գնացքների երթուղու մասին տեղեկատվությունը գտնվում է «Ժամացուցակ» բաժնում, որը գտնվում է «Յանդեքս-Արմենիա» գլխավոր էջի որոնողական պատուհանի տակ։ Երկաթուղային տոմսերի արժեքը կարելի է տեսնել «ՀԿԵ» ՓԲԸ կորպորատիվ կայքում։
«ՀԿԵ-ն հույս է հայտնում, որ տեղեկատվության լրացուցիչ աղբյուրներում երկաթուղային մարդատար փոխադրումների ժամացուցակի տեղադրումը բոլոր շահագրգիռ անձանց թույլ կտա պարզեցնել և հեշտացնել դրա հասանելիությունը»,- ասվում է հաղորդագրության մեջ։
«Հայկական երկաթուղու» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ-ի հարյուրտոկոսանոց դուստրը: ՀԿԵ-ն իր բալանսում ընդունել ՀԵ շարժակազմը 2008թ. հունիսի մեկից՝ «Հայկական երկաթուղի» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—