Նալբանդյանը Հայաստանի պետական մարմինների ներկայացուցիչներին ծանոթացրել է երկրի արտաքին քաղաքականության առաջնայնությունների հետ
08.07.2010,
16:40
Նալբանդյանը Հայաստանի պետական մարմինների ներկայացուցիչներին ծանոթացրել է երկրի արտաքին քաղաքականության առաջնայնությունների հետ
ՀՀ ԱԳ նախարար Էդվարդ Նալբանդյանը հինգշաբթի հանդիպել է ՀՀ գործադիր իշխանության մարմինների արտաքին կապերի և միջազգային համագործակցության պատասխանատու պաշտոնյաների հետ, հաղորդում է ՀՀ ԱԳՆ մամուլի ծառայությունը: Հանդիպման թեման էր «ՀՀ արտաքին քաղաքականության առաջնահերթությունները և ընթացիկ հարցերը»:
Հայաստանի արտաքին քաղաքական գերատեսչության ղեկավարը կարևորել է պետական իշխանության մարմինների կողմից իրականացվող արտաքին կապերի և միջազգային համագործակցության համակարգումը` որպես նախագահի կողմից իրականացվող միասնական արտաքին քաղաքականության ապահովման գրավական:
Հանդիպման ընթացքում թեմատիկ զեկույցներով հանդես են եկել ԱԳ նախարարի տեղակալներ Արման Կիրակոսյանը, Շավարշ Քոչարյանը, Կարինե Ղազինյանը և նախարարության գլխավոր քարտուղար Շահեն Ավագյանը:-0-
Պատճենել հղումը
