Աշխատանքի և սոցիալական հարցերի նախարար է նշանակվել Արթուր Գրիգորյանը. նախագահի հրամանագիր
![Աշխատանքի և սոցիալական հարցերի նախարար է նշանակվել Արթուր Գրիգորյանը. նախագահի հրամանագիր Աշխատանքի և սոցիալական հարցերի նախարար է նշանակվել Արթուր Գրիգորյանը. նախագահի հրամանագիր](/upload/iblock/708/6ff8ywx71h0i0heyjt2a7mmcqa3iz5as.jpg)
ԵՐԵՎԱՆ, 29 հունիսի. /Նովոստի-Արմենիա/. ՀՀ նախագահի հրամանագրով աշխատանքի և սոցիալական հարցերի նախարար է նշանակվել Արթուր Գրիգորյանը, տեղեկացնում է ՀՀ նախագահի մամուլի ծառայությունը:
Արթուր Գրիգորյանը զբաղեցնում էր ՀՀ վերահսկիչ պալատի 8-րդ վարչության պետի պաշտոնը:
Աշխատանքի և սոցիալական հարցերի նախարարի պաշտոնը 2009 թվականից նշանակվում է «Բարգավաճ Հայաստան» կուսակցության քվոտայով: Նախկին նախարար Մխիթար Մնացականյանը նշանակվել էր այդ պաշտոնում 2009 թվականի նոյեմբերի 23-ին՝ իրեն նախորդող Գևորգ Պետրոսյանի՝ առողջական վիճակի պատճառով տված հրաժարականից հետո, և հրաժարական տվել 2010թ.-ի հունիսի 21-ին:
Վերջին երկու տարիների ընթացքում Հայաստանի աշխատանքի և սոցիալական ապահովման նախարարությունում փոխվել է արդեն երեք նախարար: Ավելի վաղ այդ պաշտոնն ամրագրված էր Դաշնակցությանը, և այդ պաշտոնում ամենից երկար աշխատել է Աղվան Վարդանյանը (2003-ից 2008 թվականը):-0-