421.56
4.38
388.03
+15
Եղանակը Երևանում
Հայ

Թուրքական հանձնաժողովի տվյալները չեն համապատասխանում իրականությանը. Ոստիկանություն

18:57
23 Հունիսի 2010

Հայաստանի Ոստիկանությունը չորեքշաբթի հաղորդագրություն է տարածել այն մասին, որ թուրքական հանձնաժողովի՝ Թուրքիայից արտաքսված Հայաստանի քաղաքացիների թվաքանակը չի համապատասխանում իրականությանը:

ՀՀ զանգվածային մի շարք լրատվամիջոցներ, հղում կատարելով «Անկարա» գործակալության հաղորդագրությանը, վերջին օրերին հրապարակել են տեղեկատվություն Թուրքիայի Ազգային մեծ ժողովի Մարդու իրավունքների ուսումնասիրման հանձնաժողովին կից` «Թուրքիայում փախստականների, ապաստան հայցողների և ապօրինի բնակվողների խնդիրների ուսումնասիրության» համար ստեղծված հատուկ հանձնաժողովի զեկույցի մասին, որում անդրադարձ է արվել այդ երկրում ապօրինի բնակվող կամ սահմանն ապօրինաբար հատած ՀՀ քաղաքացիների արտաքսմանը:

Ինչպես չորեքշաբթի «Նովոստի-Արմենիա» գործակալությանը հայտնեցին ՀՀ ոստիկանության հասարակայնության հետ կապի և լրատվության վարչությունից, տարածած տեղեկատվությանը համապատասխան, «Թուրքիայում վերջին տասներեք տարիների ընթացքում ձերբակալվել են ապօրինի բնակվող կամ սահմանն ապօրինաբար հատած ՀՀ 5909 քաղաքացիներ, ովքեր արտաքսվել են երկրից: 2007 թ. ձերբակալվել են 779, իսկ 2008 թ. առաջին ինն ամիսների ընթացքում` 474 ՀՀ քաղաքացիներ, ովքեր հիմնականում զբաղվում էին մարմնավաճառությամբ և արտաքսվել են Թուրքիայից»:

Հայաստանի ոստիկանությունից հայտնում են, որ վտարումը պատժամիջոց է, որը կիրառվում է օտարերկրյա քաղաքացիների նկատմամբ` որոշակի իրավախախտումների, հիմնականում մուտքի թույլտվության` վիզայի ժամկետները խախտելու դեպքում: Խախտում կատարողները վտարվում են այն երկիր, որի քաղաքացին հանդիսանում են, քանի որ միջազգային կանոնադրությամբ արգելվում է օտարերկրյա քաղաքացիների վտարումը երրորդ երկիր:

Հայաստանի Հանրապետության և Թուրքիայի միջև գործում է միայն օդային սահման: ՀՀ քաղաքացիները Թուրքիայից Հայաստանի Հանրապետություն վտարվում են ինքնաթիռով` ՀՀ սահմանը հատելով «Զվարթնոց» օդանավակայանի անցակետով:

Վիճակագրությունը փաստում է, որ Թուրքիայից Հայաստան տարեկան վտարվում է տարբեր տարիքի և սեռի մոտ 50 ՀՀ քաղաքացի: Օրինակ, 2007 թ. վտարվողների թիվը եղել է 52, իսկ 2008 թ.-ին` 45:

«Մարմնավաճառությամբ զբաղվողների վերաբերյալ հայտնում ենք, որ ՀՀ իրավապահ մարմիններն այդ հարցում, Հայաստանում Ինտերպոլի ազգային կենտրոնական բյուրոյի միջոցով, համագործակցում են Թուրքիայի իրավապահ մարմինների հետ. Թուրքիայում Ինտերպոլի ԱԿԲ-ից գրություններ են ստացվում ՀՀ քաղաքացի հանդիսացող կնոջ նկատմամբ մարմնավաճառությամբ զբաղվելու կասկածանքով դատաքննություն իրականացնելու մասին: Հայաստանում Ինտերպոլի ԱԿԲ-ն տարեկան նմանատիպ մոտ հինգ գրություն է ստանում»,- նշվում է ոստիկանության հայտարարությունում:

Միաժամանակ ոստիկանության վարչությունից նշում են, որ անարդյունավետ է համագործակցությունը ՀՀ իրավապահ մարմինների կողմից հետախուզման մեջ գտնվող թրաֆիքինգի կազմակերպիչներին Թուրքիայի իշխանությունների կողմից հանձնելու կամ գոնե Թուրքիայում պատասխանատվության ենթարկելու հարցում:

Մասնավորապես` 2003 թվականից ՀՀ իրավապահ մարմինների կողմից հնարավոր բոլոր միջոցներով, այդ թվում` ՀՀ-ում ԱՄՆ դեսպանատան միջոցով, ջանքեր են գործադրվում թրաֆիքինգ կազմակերպելու համար հետախուզման մեջ գտնվող Թուրքիայի քաղաքացի Գոհար Կիլինչին պատասխանատվության ենթարկելու և նրա հանցավոր գործունեությունը կասեցնելու ուղղությամբ, մինչդեռ նա շարունակում է հավաքագրել և սեռական շահագործման նպատակով Թուրքիա փոխադրել ՀՀ քաղաքացիների:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
15:19
24 Մայիսի 2024
ՀՀ–ում ՌԴ դեսպանը կանչվել է Մոսկվա՝ խորհրդակցության համար․ Զախարովա
ՀՀ–ում ՌԴ դեսպան Սերգեյ Կոպիրկինը կանչվել է Մոսկվա՝ խորհրդակցության համար․ Զախարովա
11:34
20 Մայիսի 2024
Բաքվում ուղղակի սարսափում են, որ Իրանի նախագահի ուղղաթիռի վթարի պատճառները կարող են կապվել իսրայելական դիվերսիոն միջամտության հետ․ Ոսկանյան
Բաքվում ուղղակի սարսափում են, որ ուղղաթիռի վթարի պատճառները կարող են կապվել իսրայելական դիվերսիոն միջամտության հետ, քանի որ իրանական փորձագիտական շրջանակներում տարածված է տեսակետ, որ  Ադրբեջանի կողմից բռնազավթված Արցախի հենց մերձարաքսյան գոտում է գործելու լայն հնարավորություններ ստացել իսրայելական հետախուզությունը
14:27
17 Մայիսի 2024
Բագրատ արքեպիսկոպոսը հանդիպել է Լևոն Տեր–Պետրոսյանի կուսակցության ներկայացուցիչների հետ
Բագրատ արքեպիսկոպոսը հանդիպել է ՀՀ առաջին նախագահ Լևոն Տեր–Պետրոսյանի կուսակցության ներկայացուցիչների հետ
11:51
17 Մայիսի 2024
Ժնևում տեղի է ունեցել Ալեն Սիմոնյանի և Ադրբեջանի Միլլի Մեջլիսի նախագահ Սահիբա Գաֆարովայի հանդիպումը
Հայաստանի և Ադրբեջանի ԱԺ խոսնակները հանդիպել են Ժնևում
13:57
15 Մայիսի 2024
Արևմուտքը «քար լռություն» է պահպանում Հայաստանում զանգվածային ձերբակալությունների ֆոնին․ Զախարովա
Արևմուտքը «քար լռություն» է պահպանում Հայաստանում զանգվածային ձերբակալությունների ֆոնին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան
16:07
14 Մայիսի 2024
Ալեն Սիմոնյանը կհանդիպի Ադրբեջանի Միլլի Մեջլիսի նախագահի հետ
Ալեն Սիմոնյանը Ժնևում կհանդիպի Ադրբեջանի Միլլի Մեջլիսի նախագահի հետ
13:35
14 Մայիսի 2024
Դանիան պատրաստ է զարգացնել և ընդլայնել փոխգործակցությունը Հայաստանի հետ․ Դանիայի վարչապետը՝ Փաշինյանին
Փաշինյանը Դանիայի վարչապետին պաշտոնական այցով հրավիրել է Հայաստան, նա հրավերը սիրով ընդունել է
15:00
13 Մայիսի 2024
Ֆրանսիան ողջունում է Միրզոյան–Բայրամով բանակցությունների նոր փուլի անցկացումն Ալմաթիում
Ֆրանսիան նաև կոչ է անում շարունակել քննարկումները՝ երկու երկրների միջև խաղաղության պայմանագրի ստորագրման նպատակով
12:23
13 Մայիսի 2024
Ադրբեջանի հետ խաղաղության պայմանագրի ստորագրումը կարող է վերջ դնել երկարաժամկետ հակամարտությանը․ ԱԳ նախարար
Միրզոյանը հայտարարել է, որ Ադրբեջանի հետ խաղաղության պայմանագրի ստորագրումը կարող է վերջ դնել երկարաժամկետ հակամարտությանը
16:03
10 Մայիսի 2024
Չպետք է սահմանափակվենք խաղաղության պայմանագրի ստորագրմամբ․ Միրզոյանը՝ Բայրամովի հետ հանդիպմանը
Միրզոյանը Բայրամովի հետ հանդիպումից առաջ ասել է, որ չպետք է սահմանափակվեն խաղաղության պայմանագրի ստորագրմամբ, կարող են ավելի հեռուն գնալ՝ ապաշրջափակել տարածաշրջանի բոլոր տրանսպորտային հաղորդակցությունները
12:45
10 Մայիսի 2024
«Պատիվ ունեմ» խմբակցությունը պատրաստ է միանալ Փաշինյանին անվստահության քվե հայտնելու գործընթացին
«Պատիվ ունեմ» ընդդիմադիր խմբակցությունը պատրաստ է միանալ ՀՀ վարչապետ Նիկոլ Փաշինյանին անվստահության քվե հայտնելու գործընթացին