Հայաստանում «Ֆորդ» կորպորացիայի պաշտոնական ներկայացուցիչ «Ֆորա» ՍՊԸ-ն հայ լրագրողների համար առաջին անգամ Ford Kuga ավտոմեքենայի թեստ-դրայվ է անցկացրել։
Հայկական ԶԼՄ-ների ներկայացուցիչները ծանոթացրել են մոդելին, դրա ստեղծման և հայկական շուկայում հայտնվելու պատմությանը, ինչպես նաև հնարավորություն են ունեցել անձամբ ստուգել մեքենան գործի մեջ։
«Թեստ-դրայվն անցկացվում է այն կապակցությամբ, որ այդ մոդելի վաճառքը նշանակալիորեն ավելացել է, և մեզ հետաքրքիր էր մեքենայի մասին հայ լրագրողների կարծիքն իմանալ»,- «Նովոստի-Արմենիա» գործակալությանը պարզաբանեց ընկերության վաճառքի գծով գլխավոր մենեջեր Լիլիթ Ներսիսյանը։
Ըստ նրա՝ ընկերությունը ծրագրում է այսուհետև Հայաստանում Ford-ի բոլոր նոր արտադրանքի թեստ-դրայվեր անցկացնել։
Իր հերթին ընկերության մենեջեր Միքայել Հարությունյանը նշեց, որ Ford Kuga-ն լավ երթևեկում է ինչպես բարեկարգ ճանապարհներով, այնպես էլ լավ ջիպային որակներ ունի, սարքավորված է Volvo շարժիչով և փոխանցման տուփով, իր սարքավորման մեջ շատ բան ունի «առաջին կարգի» ավտոմեքենայից, որի շնորհիվ իր կարգում առաջինն է։
Նա նաև ընդգծեց, որ մեքենան հատուկ հարմարացվել է հայկական պայմանների համար, մասնավորապես, հայկական բենզինի որակին:
Ford Kuga թողարկվում է 2008թ.-ից Գերմանիայում, իսկ հայկական շուկայում վաճառվում է 2009թ.-ից՝ բենզինի շարժիչով մոդելի հայտնվելուց հետո։
Ford Kuga բենզինային տարբերակը սարքավորվում է 2,5 լիտրանոց տուրբո շարժիչով՝ ավելի քան 200 լ. ա. քարշուժով։
Մեքենայի առավելագույն արագությունը 210 կմ/ժ է։ Բազային գինը սկսվում է 13,5 մլն դրամից (մոտ 35.7 հազար ԱՄՆ դոլար)։ -0-
