Ապրիլի համեմատ մայիսին Հայաստանում գնաճը 1 % է կազմել, «Նովոստի-Արմենիա» գործակալությանը հաղորդեցին ՀՀ ազգային վիճակագրական ծառայությունից։
«Ապրիլի համեմատ մայիսին պարենային ապրանքների գները (ներառյալ ալկոհոլային խմիչքներն ու ծխախոտային արտադրանքը) ավելացել են 1,8 տոկոսով, ոչ պարենային ապրանքների գները՝ 0,9 տոկոսով, իսկ ծառայությունների ոլորտում սակագները 0,2 տոկոսով նվազել են»,- ասվում է ԱՎԾ հաղորդագրությունում։
2009թ.-ի դեկտեմբերի համեմատ մայիսին սպառողական գների ինդեքսը 105,3 տոկոս է կազմել, այդ թվում պարենային ապրանքներինը (ներառյալ ալկոհոլային խմիչքներն ու ծխախոտային աչտադրանքը) 107 տոկոս է կազմել, ոչ պարենային ապրանքներինը՝ 104 տոկոս, իսկ ծառայությունների ոլորտում՝ 103,2 տոկոս։
Միևնույն ժամանակ 2009թ.-ի մայիսի համեմատ ընթացիկ տարվա մայիսին սպառողական գների ինդեքսը 106,3 տոկոս է կազմել, այդ թվում պարենային ապրանքների գների ինդեքսը (ներառյալ ալկոհոլային խմիչքներն ու ծխախոտային արտադրանքը) 104,7 տոկոս է կազմել, ոչ պարենային ապրանքներինը՝ 111,4 տոկոս, ծառայությունների ոլորտի սակագներինը՝ 106,6 տոկոս, իսկ 2009թ.-ի համանման ժամանակահատվածի համեմատ հունվար-մայիսին՝ 107,6 տոկոս, 105,1 տոկոս, 114,4 տոկոս և 108,9 տոկոս համապատասխանաբար։
Պետբյուջեի համաձայն՝ Հայաստանում 2010թ.-ի վերջին գնաճը ծրագրված է 4% (±1,5%) մակարդակով։ -0-
