Հայաստանը և Լեհաստանը մտադիր են արագացնել միջկառավարական հանձնաժողովի ստեղծման աշխատանքները
![Հայաստանը և Լեհաստանը մտադիր են արագացնել միջկառավարական հանձնաժողովի ստեղծման աշխատանքները Հայաստանը և Լեհաստանը մտադիր են արագացնել միջկառավարական հանձնաժողովի ստեղծման աշխատանքները](/upload/iblock/28b/t8fde6su1fh0eo0i03v2dc766uqcqigq.jpg)
ԵՐԵՎԱՆ, 25 մայիսի. /Նովոստի-Արմենիա/. Հայաստանը և Լեհաստանը մտադիր են արագացնել հայ-լեհական միջկառավարական հանձնաժողովի ստեղծման աշխատանքները, տեղեկացնում է Հայաստանի ԱԳՆ մամուլի ծառայությունը:
Նման պայմանավորվածություն է ձեռք բերվել ՀՀ ԱԳ փոխնախարար Կարինե Ղազինյանի հանդիպման ընթացքում Լեհաստանի ԱԳ պետքարտուղար Հենրիկ Լիտվինի հետ՝ ԵՄ և Արևելյան գործընկերության երկրների ԱԳ նախարարների ոչ պաշտոնական հանդիպման շրջանակներում։ Կողմերն անդրադարձան նաև Լեհաստանի ԱԳ նախարար Ռադոսլավ Սիկորսկու` Հայաստան ծրագրված այցին։
ԵՄ և Արևելյան գործընկերության անդամ երկրների հանդիպումը նվիրված էր Արևելյան գործընկերության շրջանակներում առ այսօր կատարված աշխատանքների ամփոփմանը, մասնակից երկրների ակնկալիքներին, ինչպես նաև ապագա ծրագրերի հստակեցմանը:
Կարինե Ղազինյանը ներկայացրեց ՀՀ-ԵՄ Ասոցացման համաձայնագրի, Ազատ առևտրի գոտու ստեղծման, ինպես նաև վիզային ռեժիմի աստիճանական ազատականացման կարևորությունը մասնակից երկրների համար:
ԱԳ փոխնախարարը ընդգծեց, որ շոշափելի արդյունքների դրական ազդեցություն կունենան հասարակության լայն շրջանում: -0-