Հայաստանի դատախազությունը քրեական գործ է հարուցել Լոռում արձանագրված թունավորումների առթիվ
![Հայաստանի դատախազությունը քրեական գործ է հարուցել Լոռում արձանագրված թունավորումների առթիվ Հայաստանի դատախազությունը քրեական գործ է հարուցել Լոռում արձանագրված թունավորումների առթիվ](/upload/iblock/142/nmv6uypq8avbg8wdnew66khjw963u7us.jpg)
ԵՐԵՎԱՆ, 18 մայիսի./Նովոստի-Արմենիա/. Լոռու մարզի դատախազության կողմից հարուցվել է քրեական գործ` Վանաձորում արձանագրված թունավորումների դեպքերի առթիվ, հաղորդում է ՀՀ Գլխավոր դատախազության մամուլի ծառայությունը։
Մայիսի 15-16-ն ընկած ժամանակահատվածում «սննդային թունավորում» ախտորոշմամբ Վանաձորի ինֆեկցիոն հիվանդանոց են տեղափոխվել տարբեր տարիքի 18 քաղաքացիներ: Ձեռնարկված միջոցառումների արդյունքում պարզվել է, որ հիշյալ քաղաքացիները օգտագործել են «Էկլերե տեսակի խմորեղեն` գնված Վանաձորի տարբեր խանութներից, բայց արտադրված նույն ընկերության կողմից:
«Դեպքի առթիվ ոստիկանության Լոռու մարզի քննչական բաժնում հարուցվել է քրեական գործ` ՀՀ քրեական օրենսգրքի 277-րդ հոդվածի 1-ին մասով»,- ասվում է հաղորդագրությունում:
Դատաբժշկական և սանիտարահամաճարակային փորձաքննություններ են նշանակվել։ -0-