Բարեփոխումների իրականացման հարցում ԵՄ-ի հետ ՀՀ կառավարության համագործակցությունը բավականին արդյունավետ է. ԵՄ պատվիրակության ղեկավար
Բարեփոխումների իրականացման հարցում ԵՄ-ի հետ ՀՀ կառավարության համագործակցությունը բավականին արդյունավետ է, հինգշաբթի լրագրողներին ասաց Հայաստանում ԵՄ-ի պատվիրակության ղեկավար, դեսպան Ռաուլ դե Լուցենբերգերը:
Նա դրական գնահատեց ԵՄ խորհրդատվական խմբի գործունեությունը, որն առաջարկում է բարեփոխումների իրականացում օրենսդրական ոլորտում, գործադիր և դատական իշխանությունում՝ ընդգծելով, որ ՀՀ վարչապետը նույնպես դրական է գնահատել խմբի գործունեությունը:
Ըստ նրա՝ արդեն գոյություն ունեն հստակ արդյունքներ, ԱԳՆ-ում ստեղծվել է դիվանագիտական դպրոց, որը թույլ կտա ուսուցանել և բարձրացնել կադրերի գործունեության արդյունավետությունը:
«Բարեփոխումների իրականացման հարցում կան նաև այլ նվաճումներ, որոնց արդյունքները նույնպես ակնհայտ կդառնան հետագա տարիների ընթացքում»,- ասաց Լուցենբերգերը՝ ընդգծելով, որ ներկայումս տարբեր ոլորտներում բարեփոխումներ իրականացնելու հարցում կառավարության հետ լավ համագործակցություն գոյություն ունի:
Հայաստան ԵՄ խորհրդատուներ ուղարկելու մասին համաձայնությունը ձեռք է բերվել 2008թ.-ի նոյեմբերին՝ նախագահ Սերժ Սարգսյանի Բրյուսել կատարած այցի ժամանակ:--0--
