Հայաստանի օդանավակայանները համալրված են ժամանակակից լավագույն տեխնիկայով՝ միջազգային ահաբեկչության դեմ պայքարի համար. ՔԱԳՎ

«Մեր օդանավակայաններում լավագույն սարքավորումներն ու մասնագետներն են, կասկածելի առարկաների հայտնաբերման և ուղեբեռի ստուգման լավագույն տեխնիկան, որը չկա շատ եվրոպական երկրներում։ Անհրաժեշտ ողջ տեխնիկան առկա է և կիրառվում է»,- շաբաթ օրը ասաց Կարապետյանը «Նովոստի» միջազգային մամուլի կենտրոնում տեղի ունեցած մամուլի ասուլիսում։

ՔԱԳՎ ներկայացուցիչը հայտնեց, որ Հայաստանի ավիացիոն անվտանգությունը,  ինչպես և թռիչքային անվտանգությունը, երկրում վերահսկվում է ԻԿԱՕ-ի (Քաղաքացիական ավիացիայի միջազգային կազմակերպություն) և ECAC-ի (Քաղաքացիական ավիացիայի եվրոպական կոնֆերանս - European Civil Aviation Conference) կողմից։ Ինչպես նշեց նա, Հայաստանը կատարում է կազմակերպությունների բոլոր պահանջները և դրան զուգահեռ մասնակցում է ահաբեկչության դեմ պայքարի բոլոր կոնվենցիաներին։

Հայաստանում գործում է երկու օդանավակայան՝ միջազգային «Զվարթնոց» օդանավակայանը և Գյումրիի «Շիրակ» օդանավակայանը։ Օդանավակայանները գտնվում են «Արմենիա – Միջազգային օդանավակայաններ» ՓԲԸ կառավարման ներքո։

Տվյալ ընկերության սեփականատերն է արգենտինյան American International Airports ընկերությունը, որը պատկանում է արգենտինայի քաղաքացի Էդուարդո Էռնեկյանին (Eduardo Eurnekian)։ -0-