Անհայտ անձը Երևանի կենտրոնում կողոպտել է մի երիտասարդի՝ պատճառելով 1,2 հազար դոլարի վնաս. Ոստիկանություն

Հայաստանի իրավապահ մարմինները փնտրում են այն մարդուն, ով մի երիտասարդի է կողոպտել՝ հափշտակելով  գրեթե 1,2 հազար ԱՄՆ դոլար, տեղեկացնում է Ոստիկանության մամուլի ծառայությունը։

Հաղորդագրության համաձայն՝ միջադեպը տեղի է ունեցել նախորդ շաբաթ «Երիտասարդական» մետրոյի մուտքի մոտ։ Անհայտ անձը նշված վայրում հափշտակել է 1992 թ. ծնված Մերուժան Ս.-ի պարանոցի ոսկյա շղթան` խաչով և դիմել փախուստի` պատճառելով 450.000 դրամի (մոտ 1.2 հազ. դոլար) վնաս:

Կատարվում է հետաքննություն: -0-