Լեհաստանի վարչապետը կարևորում է Հայաստանի դերն «Արևելյան գործընկերություն» ծրագրում
ԵՐԵՎԱՆ, 12 մարտի. /Նովոստի-Արմենիա/. Լեհաստանի վարչապետ Դոնալդ Տուսկն ուրբաթ ՀՀ Ազգային ժողովի նախագահ Հովիկ Աբրահամյան կայացած հանդիպման ընթացքում կարևորեց Հայաստանի դերն «Արևելյան գործընկերություն» ծրագրում, ուրբաթ «Նովոստի-Արմենիա» գործակալությանը հայտնեցին Հայաստանի ԱԺ մամուլի ծառայությունից։
«Դոնալդ Տուսկը, բարձր գնահատելով հայ-լեհական հարաբերությունները, արձանագրեց համատեղ գործողություններ իրականացնելու մեծ ներուժը»,- ասվում է հաղորդագրությունում։ Իր հերթին Աբրահամյանը նշեց, որ «Հայաստանը շահագրգռված է այդ ծրագրով, և շատ կարևոր է ծրագիրը վերածել գործի»։
Հովիկ Աբրահամյանը եվրաընտանիքին ինտեգրվելու գործընթացում կարևոր համարեց Լեհաստանի աջակցությունը Հայաստանին: Նա ընդգծեց նաև, որ Հայաստանը շատ ուշադիր է եվրակառույցներում Լեհաստանի նախաձեռնությունների նկատմամբ:
Հաղորդագրության համաձայն, Հայաստանի խորհրդարանի ղեկավարը բարձր գնահատեց Արևելյան գործընկերության մասնակից պետությունների խորհրդարանական վեհաժողովի` «Եվրանեսթ»-ի հետ համագործակցությունը:
Հանդիպման ընթացքում քննարկվեցին համաշխարհային տնտեսական ճգնաժամին վերաբերող հարցեր, Դոնալդ Տուսկը ներկայացրեց ճգնաժամը հաղթահարելու` Լեհաստանի փորձը։ -0
