Խոզի գրիպի սպառնալիքը Հայաստանից հեռացավ
![Խոզի գրիպի սպառնալիքը Հայաստանից հեռացավ Խոզի գրիպի սպառնալիքը Հայաստանից հեռացավ](/upload/iblock/41d/nvfpa6etympm4r8ximatyairxki1fai1.jpg)
ԵՐԵՎԱՆ, 5 փետրվարի. /Նովոստի-Արմենիա/. Խոզի գրիպի սպառնալիքը Հայաստանի համար վերացել է, ուրբաթ «Նովոստի-Արմենիա» գործակալությանը ասաց ՀՀ առողջապահության փոխնախարար Թաթուլ Հակոբյանը:
«Տվյալ պահին կարելի է ասել, որ սպառնալիքն անցել է: Բայց մենք պետք է զգոն լինենք»,- ասաց Հակոբյանը՝ նշելով, որ նախարարությունն «ամեն ինչ հսկողության տակ է պահում»:
Փոխնախարարը հայտնեց, որ Հայաստանում վարակիչ հիվանդությունների հատուկ աճ չկա, սակայն պրոֆիլակտիկ միջոցառումները շարունակվում են:
«Համակարգն աշխատում է նույն ռեժիմով, որպեսզի հիվանդացության ավելացման դեպքում պատրաստ լինենք դրան»,- ասաց նա:
Հակոբյանը հայտնեց, որ «խոզի գրիպ» ախտորոշում այժմ չի արվում:
«Շնչուղիների ցանկացած վարակ բուժվում է ինչպես շնչուղիների վարակ, ցանկացած գրիպի ախտորոշում՝ որպես գրիպ»,- ասաց նա:
Առողջապահության նախարարության տվյալներով՝ 2010 թ.-ի հունվարի 13-ին Հայաստանում A/H1N1 գրիպով հիվանդների թիվը ավելացել է 8-ով՝ հասնելով 119-ի: --0--