Հասարակական պաշտպանները մտադիր են քրեական գործերին զուգահեռ զբաղվել նաև քաղաքացիական գործերով. Հայաստանի փաստաբանների պալատի նախագահ

02.02.2010, 19:45
Հասարակական պաշտպանները մտադիր են քրեական գործերին զուգահեռ զբաղվել նաև քաղաքացիական գործերով. Հայաստանի փաստաբանների պալատի նախագահ
Հասարակական պաշտպանները մտադիր են քրեական գործերին զուգահեռ զբաղվել նաև քաղաքացիական գործերով. Հայաստանի փաստաբանների պալատի նախագահ
ԵՐԵՎԱՆ, 2 փետրվարի. /Նովոստի-Արմենիա/. Հայաստանի հասարակական պաշտպանները օրենսդրական փոփոխություններից հետո կկարողանան անվճար ծառայություններ մատուցել ոչ միայն քրեական, այլև քաղաքացիական գործերով, երեքշաբթի «Նովոստի-Արմենիա» գործակալությանը հայտնեց Հայաստանի փաստաբանների պալատի նախագահ Ռուբեն Սահակյանը՝ միաժամանակ  հավելելով, որ չգիտի, թե երբ ՀՀ ԱԺ-ն կքննարկի օրինագիծը:   

«Նախագիծը պատրաստ է, գտնվում շրջանառության մեջ, բայց երբ մտնի Ազգային Ժողով՝ չեմ կարող ասել»,- հայտարարեց նա:
 
Սահակյանի կարծիքով՝ օրինագծի ընդունմանը կարող է հակազդել ֆինանսների նախարարությունը, բայց ոչ թե բնակչության անապահով շերտերին անվճար իրավաբանական օգնություն ստանալուն խանգարելու ցանկությունից, այլ ֆինանսատնտեսական ճգնաժամի հետևանքով բյուջեում միջոցների պակասի  պատճառով:  

Հայաստանում 2006 թ.-ի հունվարին հիմնադրվել է Հասարակական պաշտպանների ինստիտուտը, որը դատարանի որոշմամբ բնակչության անապահով շերտերին իրավաբանական օգնություն է ցուցաբերում քրեական գործերի դեպքում: -0-