Հայկական դպրոցների տնօրենները պարտադիր հավաստագրում կանցնեն. ՀՀ կրթության և գիտության նախարարություն
Սկսած 2010 թ.-ից Հայաստանի բոլոր դպրոցների տնօրենները պարտադիր հավաստագրում կանցնեն զբաղեցրած պաշտոնին նրանց համապատասխանությունը սահմանելու համար, ուրբաթ մամուլի ասուլիսի ժամանակ տեղեկացրեց ՀՀ կրթության և գիտության նախարար Արմեն Աշոտյանը:
Նրա խոսքերով՝ հանրապետությունում կրթության ոլորտում ղեկավարման որակի հետ կապված լուրջ խնդիրներ կան:
«Հուսանք, որ պարտադիր հավաստագրումը թույլ կտա ավելի արդյունավետ օգտագործել վարչական ռեսուրսները, օպտիմալացնել կրթական համակարգը», - ասաց Աշոտյանը:
Նախարարը նշեց, որ կան տնօրեններ, որոնց կամայականությունը բացասաբար է անդրադառնում դպրոցի աշխատանքի որակի վրա:
«Մենք հավաստագրման համակարգի ներդրումը անկյունաքար ենք համարում ղեկավարման համակարգի բարեփոխումներում: Կփորձենq առավելագույնս բացառել այդ գործընթացի մեջ «բարեկամների և ծանոթների» ներգրավումը, չնայած նման իրողություններն ամբողջովին բացառելը անիրական է»,- ավելացրեց Աշոտյանը:-0-