Freedom House-ը Հայաստանը դասել է «մասամբ ազատ» երկրների թվին

Freedom House ոչ կառավարական կազմակերպության «Ազաատությունը աշխարհում 2010» հերթական զեկույցի համաձայն՝ Հայաստանում, ինչպես և հետխորհրդային տարածքի պետությունների մեծ մասում, քաղաքական ու քաղաքացիական ազատությունների հետընթաց է նկատվում։   

Freedom House-ի փորձագետների գնահատականներով, ինչպես և անցյալ տարի, «Ազատ, մասամբ ազատ, անազատ երկրների» դասակարգման մեջ Հայաստանը դասվում է «մասամբ ազատների» թվին։

«Հետխորհրդային տարածքի բոլոր հանրապետությունները 2009 թ.-ի ընթացքում ժողովրդավարության հետընթաց են գրանցել։ Այս տարածքում ազատության միջին մակարդակը կտրուկ նվազել է նախորդ չորս տարիների համեմատ»,- ասվում է հաղորդագրության մեջ։   

Freedom House-ի սահմանած քաղաքական ազատությունների գնահատման յոթբալանոց սանդղակով քաղաքական ազատությունների մակարդակը Հայաստանում գնահատվում է յոթ բալ, ինչպես և անցյալ տարի։

Նույն կերպ է գնահատվում նաև քաղաքական ազատությունների մակարդակը Ադրբեջանում և Ռուսաստանում, Վրաստանին կազմակերպությունը 4 բալ է հատկացրել։

Ընդհանուր առմամբ 2009 թ.-ի արդյունքներով կազմակերպությունը «անազատ» է ճանաչել 47 երկիր անցյալ տարվա 42-ի փոխարեն, ազատ՝ 89 երկիր, մասամբ ազատ՝ 58 երկիր։

Freedom House-ը 1972 թ.-ից ամեն տարի հրապարակում է Freedom in the World զեկույցը, որում գնահատվում է քաղաքական ու քաղաքացիական ազատությունների հետ կապված իրավիճակը աշխարհի ավելի քան 190 երկրներում և տարածաշրջաններում։ -0-