Հայկական ընդդիմադիր թերթի խմբագիրը չկարողացավ հաղթել խորհրդարանական լրացուցիչ ընտրություններում

Կալանքի տակ գտնվող «Հայկական ժամանակ» ընդդիմադիր թերթի խմբագիր Նիկոլ Փաշինյանը չկարողացավ հաղթել մեծամասնական համակարգով նախօրեին 10-րդ ընտրատարածքում տեղի ունեցած խորհրդարանական լրացուցիչ ընտրություններում: 

Կենտրոնական ընտրական հանձնաժողովի պաշտոնական կայքում տեղադրված տեղեկատվության համաձայն՝ Փաշինյանի օգտին քվեարկել էր ընտրություններին մասնակցած 13380 ընտրողներից 5053-ը:

Ընտրություններում հաղթել է «Ազգային միաբանություն» կուսակցության ներկայացուցիչ Արա Սիմոնյանը, ով հավաքել էր 7622 ձայն:

Երրորդ թեկնածու՝ Հայաստանի Մարքսիստական կուսակցության առաջնորդ Դավիթ Հակոբյանը ստացել է 299 ձայն:

Ընտրողների կողմից ներկայացված 13380 քվեաթերթիկից 438-ն անվավեր են ճանաչվել:

«Հայկական ժամանակ» ընդդիմադիր թերթի խմբագիր Նիկոլ Փաշինյանը, ով մեղադրվում է Երևանում 2008 թ.-ի մարտի 1-ին իշխանության ներկայացուցչի դեմ բռնություն գործադրելու և զանգվածային անկարգություններ կազմակերպելու մեջ, գրանցվել էր որպես 10-րդ ընտրատարածքը ներկայացնող պատգամավորի թեկնածու:

Լրացուցիչ ընտրությունները նշանակվել էին այն բանից հետո, երբ ձեռներեց Խաչատուր Սուքիասյանը, ով 2008 թ.-ի նախահագական ընտրությունների ժամանակ սատարել էր ՀՀ նախկին նախագահ Լևոն Տեր-Պետրոսյանին, հրաժարվել էր պատգամավորական մանդատից:-0-