A/H1N1 գրիպից մահացության երկու դեպք է գրանցվել Հայաստանում. առողջապահության նախարարություն
14.12.2009,
17:25
A/H1N1 գրիպից մահացության երկու դեպք է գրանցվել Հայաստանում. առողջապահության նախարարություն
![A/H1N1 գրիպից մահացության երկու դեպք է գրանցվել Հայաստանում. առողջապահության նախարարություն A/H1N1 գրիպից մահացության երկու դեպք է գրանցվել Հայաստանում. առողջապահության նախարարություն](/upload/iblock/41d/nvfpa6etympm4r8ximatyairxki1fai1.jpg)
ԵՐԵՎԱՆ, 14 դեկտեմբերի. /Նովոստի-Արմենիա/. 2009թ. դեկտեմբերի 14-ի դրությամբ Հայաստանի Հանրապետությունում արձանագրվել է գրիպի A H1N1 վիրուսային վարակի լաբորտոր հաստատված 80 դեպք, որից 2-ը՝ մահվան ելքով, որոնցից մեկը եղել է հղի կին, հայտնվում է առողջապահության նախարարության պաշտոնական կայքում:
Հաղորդագրության համաձայն՝ կինը ծանր վիճակում Հրազդանից տեղափոխվել է «Էրեբունի» բժշկական կենտրոնի վերակենդանացման բաժանմունք, որտեղ և մահացել է:
Միաժամանակ հանրապետությունում շարունակվում է սուր շնչառական վիրուսային հիվանդությունների օրական մոնիթորինգը: Վերջինիս արդյունքները վկայում են, որ շնչառական վիրուսային հիվանդություններով հիվանդացությունը վերջին 3 օրվա ընթացքում նվազել է օրական 300-500 դեպքով:
Վերջին ամսվա ընթացքում Հայաստանում արձանագրվել է սեզոնային գրիպի և շնչառական սուր վիրուսային ինֆեկցիայի ավելի քան 31 հազար դեպք:
Կրթության նախարարության որոշման համաձայն, հայկական դպրոցներն ու մանկապարտեզները դեկտեմբերի 8-19-ը ժամանակավորապես փակվել են սուր շնչառական վիրուսային հիվանդությունների կանխարգելման նպատակով:--0--