Հայաստանը պետք է խորացնի հարաբերությունները Ռուսաստանի հետ. ՀՀԿ
![Հայաստանը պետք է խորացնի հարաբերությունները Ռուսաստանի հետ. ՀՀԿ Հայաստանը պետք է խորացնի հարաբերությունները Ռուսաստանի հետ. ՀՀԿ](/upload/iblock/f77/8tfpfnnkm0vnloa4gsw9vr2uyrzg4zcf.jpg)
Հայաստանը պետք է խորացնի հարաբերությունները Ռուսաստանի հետ, ասաց Հայաստանի Հանրապետական Կուսակցության խորհրդարանական խմբակցության քարտուղար Էդուարդ Շարմազանովը։
«Մենք տեսնում ենք, որ Ռուսաստանի հետ հարաբերություններն ինչպես քաղաքական, այնպես էլ տնտեսական և մշակութային ոլորտներում բավականին խորանում են, և ես դա շատ դրական եմ գնահատում»,- ասաց Շարմազանովը «Նովոստի» միջազգային մամուլի կենտրոնում։
Ընդգծելով, որ Ռուսաստանը Հայաստանի ռազմավարական գործընկերն է Հարավային Կովկասի տարածաշրջանում՝ Շարմազանովը պատահական չհամարեց, որ վերջին մեկուկես տարվա ընթացքում Հայաստանի և Ռուսաստանի նախագահներ Սարգսյանն ու Մեդվեդևն անցկացրել են ավելի քան երկու տասնյակ հանդիպում։
Խոսելով Հայաստանի արտաքին քաղաքականության այլ ուղղությունների մասին՝ խմբակցության քարտուղարն ասաց, որ Հայաստանը խորացնում է հարաբերությունները նաև ՆԱՏՕ-ի հետ։ -0-