ՀՀ նախագահը կմասնակցի Մինսկում կայանալիք ԵվրԱզԷՍ-ի միջպետական խորհրդի նիստին
ՀՀ նախագահ Սերժ Սարգսյանը հինգշաբթի երկօրյա աշխատանքային այցով կմեկնի Մինսկ` մասնակցելու Եվրասիական տնտեսական ընկերակցության (ԵՎՐԱԶԵՍ) Միջպետական խորհրդի նիստի աշխատանքներին, հաղորդում է ՀՀ նախագահի մամուլի ծառայությունը:
Հայաստանի Հանրապետությունն ունի դիտորդի կարգավիճակ:
Նախագահ Սարգսյանի գլխավորած պատվիրակության կազմում են ֆինանսների նախարար Տիգրան Դավթյանը, տրանսպորտի և կապի նախարար Գուրգեն Սարգսյանը, պաշտոնատար այլ անձինք:
ԵվրԱզԷՍ-ի Միջպետական խորհրդի նիստը՝ նախագահների մակարդակով, կանցկացվի նոյեմբերի 27-ին Մինսկում:
Միջպետական խորհրդի նիստի ընթացքում Ռուսաստանի, Բելառուսի և Ղազախստանի նախագահները ծրագրում են ստորագրել Մաքսային միության գործարկման մեկնարկի համար անհրաժեշտ փաստաթղթերի փաթեթը:
Նիստի մասնակիցները կքննարկեն նաև ԵվրԱզԷՍ պետությունների համաշխարհային ֆինանսական ճգնաժամի հետևանքների հաղթահարմանն ուղղված համատեղ միջոցառումների իրականացման ընթացքը:-0-
