Ուղևորատար գնացք՝ Երևան-Թբիլիսի-Երևան ուղղությամբ

ԵՐԵՎԱՆ, 20 նոյեմբերի. /Նովոստի-Արմենիա/. Նոյեմբերի 20-ից Երևան-Թբիլիսի Երևան ուղղությամբ կգործի ֆիրմային ուղևորատար գնացք, հաղորդում է «Հարավկովկասյան երկաթուղի» ՓԲԸ-ի մամուլի ծառայությունը:

«Գնացքի կազմում կընդգրկվեն ամռանը Երևան-Բաթումի-Երևան ուղղությամբ ուղևորատար փոխադրումներ իրականացնող վագոնները («Արմենիա» ֆիրմային գնացք), հաղորդում է ՌԻԱ Նովոստին:

Գնացքի կազմում կընդգրկվի 7 վագոն՝ 1 երկտեղանոց, 2 խցիկավոր, 1 բաց տիպի, 1 բեռնատար և վագոն-ռեստորան:

2009թ. հուլիսին «Երևան» կայարանում տեղի ունեցավ 12 վագոնի հանդիսավոր շնորհանդեսը, որոնք հիմնանորգվել էին Վորոնեժ քաղաքի վագոնների կառուցման գործարանում:

«Նոր վագոնները թույլ կտան զգալի կերպով բարձրացնել նշված ուղղությամբ ուղևորների տեղափոխման հարմարավետության մակարդակը: Միաժամանակ տոմսերի արժեքը նույնը կմնան»,-ասվում է հաղորդագրության մեջ:

«Հարավկովկասյան երկաթուղիներ» ՓԲԸ-ն «Ռուսական երկաթուղիներ» ԲԲԸ-ի հարյուրտոկոսանոց դուստր ընկերությունն է, որը հուլիսի 1-ից իրականացնում է Հայկական երկաթուղիների կոնցեսիոն կառավարումը:

ՀԿԵ-ն իր բալանսում ընդունել է ՀԵ շարժակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 20 տարի երկարացման իրավունքով՝ 2008թ. փետրվարի 13-ի կոնցեսիոն պայմանագրին համապատասխան:

ՀԿԵ ենթակայության տակ է գտնվում 805 կմ երկաթուղի՝ Հայաստանի 1125 կմ երկաթուղուց, 2001թ.-ից ընկերությունը բերում է կայուն շահույթ։ 2007թ.-ին ՀԿԵ կողմից տեղափոխվել է 3 միլիոն տոննա բեռ՝ 2006թ.-ի 2,7 միլիոն տոննայի դիմաց։ -0-