Հայաստանն ու Թուրքիան պատրաստ չեն շարունակել հարաբերությունների նորմալացման գործընթացը. փորձագետ
ԵՐԵՎԱՆ, 16 նոյեմբերի. /Նովոստի-Արմենիա/. Ոչ Հայաստանը, ոչ Թուրքիան պատրաստ չեն շարունակել երկկողմ հարաբերությունների նորմալացման գործընթացը, կարծում է քաղաքագետ Իգոր Մուրադյանը:
«Առանց հզոր աջակցության հնարավոր չէ շարունակել հարաբերությունների նորմալացման գործընթացը»,- երկուշաբթի Մուրադյանն ասաց մամուլի ասուլիսի ժամանակ:
Նրա խոսքերով՝ թուրքական հասարակությունը կասկածամտորեն է վերաբերվում բանակցությունների գործընթացին, այն դեպքում, երբ Հայաստանում դրան ավելի չեզոք են վերաբերվում:
Միևնույն ժամանակ փորձագետը նշեց, որ թուրքական ղեկավարությունը չի կարող շարունակել գործընթացը, եթե չլինի դրա սատարումը թուրքական հասարակության կողմից:
Մուրադյանը վստահ է, որ հայ-թուրքական հարաբերությունների նորմալացման գործընթացի պատասխանատուն ԱՄՆ-ն է, ինչի կապակցությամբ հայ-թուրքական արձանագրությունները ստորագրվել են ավելի շուտ ԱՄՆ և Թուրքիայի միջև, քան Հայաստանի և Թուրքիայի»:
Միևնույն ժամանակ Մուրադյանը կասկած է հայտնել հայ-թուրքական հարաբերությունների նորմալացման գործընթացի սատարելումը երաշխավորելու ԱՄՆ ունակության հանդեպ:
Նրա խոսքերով՝ ԱՄՆ-ի համար Կովկասն ավելի քիչ նշանակալից տարածաշրջան է դառնում, այդ պատճառով Ամերիկան ավելի մեծ ուշադրություն է դարձնում եվրոպական երկրների հետ հարաբերություններին, մասնավորապես, նրանց տարածքում ՀՕԿ տեղակայելու անհամաձայնության պատճառով:
«Ստեղծված իրավիճակում Հայաստանն ու Թուրքիան ԱՄՆ-ի ձեռքը բռնած բերեցին երկկողմ հարաբերությունների հաստատման գործընթացին»,- պարզաբանեց Մուրադյանը:
Քաղաքագետը կարծում է, որ այսօրվա դրությամբ Եվրոպան ու ԱՄՆ-ն շահագրգռված են Թուրքիայի՝ դեպի Կենտրոնական Ասիա, Մերձավոր Արևելք, Սև ծով և Բալկաններ տարածումը զսպելուն, այսինքն աշխարհի բոլոր չորս ուղղություններով:
«Բանակցությունները սկսելուց առաջ Հայաստանի իշխանությունները պետք է հաշվի առնեին, որ ԱՄՆ-ի քաղաքակության հիմքում Թուրքիայի սպառնալիքը չեզոքացնելու խնդիրն է»,- ասաց Մուրադյանը:
Հայ-թուրքական սահմանը փակ է 1993-ից՝ պաշտոնական Անկարայի նախաձեռնությամբ: Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ. իրագործված Եղեռնի ճանաչմանն ուղղված ջանքերից հրաժարվելը և ղարաբաղյան հիմնախնդրի լուծումը` հօգուտ Ադրբեջանի:--0—
