ԱՊՀ արժեթղթերի շուկաների կարգավորման պետական մարմինների ղեկավարների խորհրդի հաջորդ նիստը կկայանա Կազանում
ԵՐԵՎԱՆ, 11 նոյեմբերի. /Նովոստի-Արմենիա/. ԱՊՀ անդամ-պետությունների արժեթղթերի շուկաների կարգավորման պետական մարմինների ղեկավարների խորհրդի հաջորդ 11-րդ նիստը կկայանա Կազանում, չորեքշաբթի լրագրողներին ասաց ԱՊՀ գործադիր կոմիտեի տնտեսական համագործակցության բաժանմունքի արժույթային ֆինանսական քաղաքականության բաժնի պետի տեղակալ Ազամ Ուսմանովը:
«Խորհրդի նոր նախագահ է ընտրվել ՌԴ ֆինանսական մարմնի ղեկավարն ու որոշում է ընդունվել հաջորդ նիստն անցկացնել Կազան քաղաքում»,- չորեքշաբթի նա ասաց ԱՊՀ անդամ-պետությունների արժեթղթերի շուկաների կարգավորման պետական մարմինների ղեկավարների խորհրդի 10-րդ հոբելյանական նիստի արդյունքներն ամփոփող մամուլի ասուլիսի ժամանակ հայկական Ծաղկաձոր քաղաքում:
Իր հերթին, ՀՀ ԿԲ խորհրդի անդամ Անդրանիկ Նորեկյանը նշեց, որ նիստի ընթացքում Խորհրդի՝ առաջիկա տարիների աշխատանքի ծրագրի մշակումն էր կատարվում, որը բաղկացած է շուրջ 12 կետից:
«Ապագայում քննարկվող հիմնական հարցերից է ԱՊՀ անդամ-երկրների օրենսդրության համեմատական վերլուծությունը, որը կարգավորում է արժեթղթերի շուկայի հաշվարկային համակարգի գործառությունը, ԱՊՀ երկրների արժեթղթերի շուկայի կարգավորման լիազոր մարմինների՝ Արժեթղթերի հանձնաժողովների միջազգային կազմակերպություն (International Organization оf Securities Commissions (IOSCO) մտնելուն պատրաստ լինելու համեմատական վերլուծության նախապատրաստությունը, արժեթղթերի շուկայում հարկումների վերաբերյալ հանձնարարականների և ակնարկների տրամադրումը»,- ասաց նա:
Բացի այդ, Նորեկյանի խոսքով, հանձնարարականներ կկազմվեն IOSCO անդամագրվելու և նախապատրաստվելու վերաբերյալ, կտրվի ֆոնդային բորսայի ծառայությունների համար գնագոյացման խնդիրների համեմատական վերլուծությունը, կներկայացվի միասնական լիազոր մարմին ստեղծելու նպատակահարմարության վերաբերյալ միջազգային փորձը, որը կկարգավորի գնագոյացման և շուկայի պրոֆեսիոնալ մասնակիցներին կազմալուծելու վերաբերյալ օրենսդրության խնդիրները:
