Հայաստանը բանակցություններ է վարում JICA-ի հետ գյուղական ճանապարհների վերականգնման նպատակով 70 մլն դոլարի չափով վարկ ներգրավելու համար
11.11.2009,
17:21
Հայաստանը բանակցություններ է վարում JICA-ի հետ գյուղական ճանապարհների վերականգնման նպատակով 70 մլն դոլարի չափով վարկ ներգրավելու համար
ԵՐԵՎԱՆ, 11 նոյեմբերի. /Նովոստի-Արմենիա/. Հայաստանը բանակցություններ է վարում Միջազգային համագործակցության ճապոնական գործակալության հետ (Japan International Cooperation Agency (JICA) գյուղական ճանապարհների վերականգնման նպատակով 70 մլն դոլարի չափով վարկ ներգրավելու համար, չորեքշաբթի լրագրողներին ասաց ՀՀ տրանսպորտի և կապի նախարար Գուրգեն Սարգսյանը:
Ինչպես նշեց նախարարը կողմերի միջև վերջնական պայմանավորվածությունների հասնելուց հետո կստորագրվի վերջնական համաձայնագիրը, ինչից հետո հնարավոր կլինի անցնել ծրագրի իրականացմանը:
«Սեղմ ժամկետներում բոլոր պայմանավորվածություններին հասնելու դեպքում մենք կկարողանանք արդեն 2010 թ.-ին անցնել գյուղական ճանապարհների վերականգնման ծրագրի իրականացմանը»,- ասաց Սարգսյանը:-0-