ԵՐԵՎԱՆ, 10 նոյեմբերի. /Նովոստի-Արմենիա/. Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը լույս է ընծայել «Եկեղեցական մատենագրություն» շարքի Դ հատորը` Սուրբ Հովհան Որոտնեցու մեկնողական-իմաստասիրական ճառերը:
«Հատորը պարունակում է ԺԴ. դարի Հայ Եկեղեցու նվիրյալ սպասավոր ու ականավոր աստվածաբան, մանկավարժ և փիլիսոփա Ս. Հովհան Ոորտնեցու մեկնողա-իմաստասիրական բնույթի յոթ ճառերի քննական բնագրերը` կից ծանոթագրություններով ու ներածական ուսումնասիրությամբ հրատարակության պատրաստված Անուշ Մինասյանի կողմից»,-նշվում է հաղորդագրության մեջ, որը «Նովոստի-Արմենիա» գործակալությանն են տրամադրել Մայր Աթոռի տեղեկատվական համակարգից:
Աշխատասիրությունը տպագրվել է «Սարգիս Գաբրիելյան» հիմնադրամի մեկենասությամբ:-0-
