Ինը ճանապարհատրանսպորտային պատահար է տեղի ունեցել Հայաստանում 2009 թվականի հունվարի 1-ից հոկտեմբերի 26-ն ընկած ժամանակահատվածում, որոնց հետևանքով զոհվել է հինգ մարդ, տեղեկացնում է Հայաստանի Ոստիկանության մամուլի ծառայությունը։
Ինչպես նշվում է հաղորդագրությունում, նշված ժամանակահատվածում ՃՏՊ-ների հետևանքով երկու մարդ դարձել է հաշմանդամ, ևս երկուսը ստացել են տարբեր ծանրության մարմնական վնասվածքներ։
Վերջին ԱՊ-ը տեղի է ունեցել նախորդ ուրբաթ Հայաստանի հյուսիսում՝ Բայանդուր-Գյումրի երկաթուղային անցումում։
Ինչպես տեղեկացնում է «Հարավակովկասյան երկաթուղի» ՓԲԸ մամուլի ծառայությունը, բեռնատար «Գազել» մակնիշի ավտոմեքենա է բախվել էլեկտրագնացքի (Գյումրի-Երևան) հետ, որի ղեկին նստած հարբած վարորդը փորձել է անցնել չվերահսկվող անցումը։
«Ինչպես ցույց տվեց քննությւոնը, վթարը տեղի է ունեցել «Գազելի» վարորդի մեղավորությամբ, ով չի նկատել մոտեցող գնացքը ոչ սթափ վիճակի պատճառով։ Պատահարի հետևանքով զոհեր չեն եղել։ Վարորդը ստացել է քերծվածքներ, լուրջ վնասվածքներ չկան»,- ասվում է հաղորդագրությունում։
«ՀԿԵՈՒ» աշխատակիցների կողմից առաջին բուժօգնություն ստանալուց հետո վարորդն ինքնուրույն գնացել է տուն և այժմ իրեն լավ է զգում։ Զննությւոնից հետո էլեկտրագնացքը շարունակել է իր ճանապարհը։
Երկաթուղային տրանսպորտի արագության կանոնավոր ավելացման կապակցությամբ «ՀԿԵՈՒ» ՓԲԸ-ն կոչ է անում պահպանել գնացքների շարժման գոտում գտնվելու անվտանգության կանոնները և հիշեցնում է, որ հետիոտնը և ավտոմեքենավարները պետք է անցնեն երակթուղային գծերը միայն սահմանված տեղերում՝ օգտվելով կամուրջներից, թունելներից և մեքենաների համար նախատեսված հատուկ անցումներից։
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--
