Մոսկվայի հայկական թատրոնի հյուրախաղերը Երևանում հաջող են ընթանում. գեղարվեստական ղեկավար
«Երևանում ընթացող եռօրյա հյուրախաղերի ընթացքում Երևանում հայ հանդիսատեսի դատին կհանձնվի «Վայ-վայ կամ Վոյաժ հայկական ձևով» ներկայացումը։ Իսկ հյուրախաղերի վերջին օրը՝ սեպտեմբերի 29-ին, «Մենամարտ» ներկայացումը»,- ասաց Ստեփանյանը։
19-րդ դարի վերջի-20-րդ դարի սկզբի հայ դրամատուրգ Գրիգոր Տեր-Ալեքսանյանի պիեսի հիման վրա բեմադրված «Վայ-վայ կամ Վոյաժ հայկական ձևով» ներկայացումը, չնայած թեթև ոդևիլային ժանրին, անդրադառնում է Անդրկովկասի բարդ աշխարհաքաղաքական իրավիճակին դարերի սահմանագծում։
«Մենամարտ» ներկայացումը երիտասարդ ռուս դրամատուրգ Ալեքսեյ Ռիմովի պիեսի հիման վրա գրած դրամա է, որն անդրադառնում է չեչենական պատերազմի թեմային։
«Մոսկվայի հայկական թատրոնի նպատակը աշխարհին պատշաճ մակարդակով հայ ժողովրդի հնագույն մշակույթը ներկայացնելն է»,- ասաց Ստեփանյանը։
«Թատրոնի խաղացանկն ընդգրկում է հանդիսատեսի լայն դիապազոն։ Նրանում ներկայացված են ինչպես հայ դասականների լուրջ ստեղծագործություններ, այնպես էլ մանկական ներկայացումներ՝ Հովհաննես Թումանյանի հեքիաթների մոտիվներով»,- ասաց գեղարվեստական ղեկավարը։
Ըստ նրա՝ բեմադրությունները ներկայացվում են ինչպես հայերեն, այնպես էլ ռուսաց լեզվով, թեև 25 հոգուց բաղկացած թատերախմբում կան ռուսներ, հայեր, հրեաներ։
Մոսկվայի հայկական թատրոնը Երևանում հյուրախաղերով հանդես է գալիս սեպտեմբերի 27-29-ը Մոսկվայի Տան և «Համազգային» թատրոնի հրավերով՝ Երևանի քաղաքապետարանի, Հայկական մշակույթի զարգացման հիմնադրամի (Մոսկվա) և «Արմավիա» ավիաընկերության օժանդակությամբ։ -0-
