438.87
4.39
404.41
-5
Եղանակը Երևանում
Հայ

Երևանում տեղի է ունեցել Խաչատրյանի անվան տրիոյի սկավառակի շնորհանդեսը

13:51
23 Սեպտեմբերի 2009

ԵՐԵՎԱՆ, 23 սեպտեմբերի. /Նովոստի-Արմենիա/. Երևանում տեղի է ունեցել Խաչատրյանի անվան տրիոյի սկավառակի շնորհանդեսը: Սկառավակում տեղ են գտել Առնո Բաբաջանյանի և Դմիտրի Շոստակովիչի ստեղծագործությունները:

«Սա հայկական համույթի առաջին սկավառակն է, որը ձայնագրվել է Երևանում՝ Արամ Խաչատրյանի տուն-թանգարանի սրահում, իսկ թողարկվել է Մոսկվայում, որպեսզի ապահովվի ձայնագրության որակը», - չորեքշաբթի «Նովոստի» միջազգային մամուլի կենտրոնում ասաց տրիոյի մասնակից, ջութակահար Կարեն Շահգալդյանը:

Նրա խոսքերով, սկավառակում զետեղվել են Առնո Բաբաջանյանի ջութակի, թավջութակի և դաշնամուրի համար fis-moll տրիոն և Դմիտրի Շոստակովիչի թիվ 2, e-moll, op.67 տրիոն:

«Սրանք կամերային ժանրում երկու ամենախոշոր ստեղծագործություններն են, ընդ որում Բաբաջանյանի տրիոյի մասին կարելի է ասել, որ այն տրիոյի ժանրում հայկական երաժշտության գագաթնակետն է», - ասաց Շահգալդյանը:

Նա նաև նշեց, որ սկավառակի ձևավորումը հայ-ռուսական ոճով է արված: Սկավառակի վրա պատկերված են հատվածներ հայկական և ռուսական արվեստի երկու խորհրդանիշներ Արշիլ Գորկու և Մարի Շագալի նկարներից:

«Արդեն վիզուալ ձևավորմամբ մենք ցանկանում էինք համախմբել մեր երկու մշակույթները և ցույց տալ, թե ինչ է ձայնագրված սկավառակի վրա: Իսկ արդեն լսելով սկավառակը՝ կարելի է համոզվել, թե որքան ճշգրիտ են համապատասխանում այդ նկարները երաժշտությանը, թվում է, թե նրանք ստեղծվել են այդ երաժշտության ներքո», - ասաց Շահգալդյանը:

Նրա խոսքերով, սկավառակի ձայնագրությունը հեշտ է ընթացել, մեկ շնչով:

Սկավառակի շնորհանդեսը տեղի կունենա սեպտեմբերի 26-ին Կոմիտասի անվան Կամերային երաժշտության տանը, մուտքն ազատ է: Շնորհանդեսի շրջանակներում կներկայացվի սկավառակի ծրագիրը:

Իսկ արդեն սեպտեմբերի 27-ի կեսօրին Star-city խանութում տեղի կունենա ինքնագիր-սեսիա, որի ընթացքում տրիոյի մասնակիցները կբաժանեն ինքնագրեր, կլուսանկարվեն ցանկացողների հետ, կպատասխանեն հարցերին և կշփվեն երաժշտասերների հետ:

Սկավառակի տպաքանակը հազար օրինակ է և կտարածվի հիմնականում Հայաստանում:

Սկավառակի ձայնագրումն իրականացվել է անգլիահայ ձեռներեց Ասատուր Գուզելյանի հովանավորչական աջակցությամբ:

Խաչատրյանի անվան տրիոն ստեղծվել է 1999 թ.-ին  որպես «Arsika» տրիո: Համույթը ելույթ է ունեցել Շվեյցարիայում, Կենտրոնական և Հարավային Ամերիկայում, Ռուսաստանում, Հայաստանում: Մասնակցել է այնպիսի փառատոներում, ինչպիսիք են Լոզանում անցկացվող «Schubertiade»-ն, Կոստա Ռիկայում անցկացվող «Festival de las Artes»-ը, Մեքսիկայում անցկացվող «Festival International Cervantino»-ն:

Տրիոյի ելույթները բազմաթիվ անգամ հեռարձակվել են հեռուստատեսությամբ: Երաժշտագետներն ընդգծում են համույթի վիրտուոզ կատարումը, իրական երաժշտականություն ու ոճային զգացողությունը:

2006թ.-ից ի վեր համույթը հանդես է գալիս հետևյալ կազմով՝ Արմինե Գրիգորյան (դաշնամուր), Կարեն Շահգալդյան (ջութակ), Կարեն Քոչարյան (թավջութակ): Վերջին չորս տարվա ընթացքում համույթը Հայաստանում իրականացնում է լուսավորչական գործունեություն՝ համերգներ տալով ոչ միայն մայրաքաղաքում, այլև մարզերում, անցկացնում է վարպետության դասեր դպրոցականների և ուսանողների համար:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
10:42
27 Փետրվարի 2024
ՀՀ ԱԳ նախարարը կմեկնի Թուրքիա
Արարատ Միրզոյանը կմեկնի Թուրքիա
09:52
27 Փետրվարի 2024
Հայաստանի և Ադրբեջանի ԱԳ նախարարները կհանդիպեն Բեռլինում
Հայաստանի և Ադրբեջանի ԱԳ նախարարները կհանդիպեն Բեռլինում
15:10
26 Փետրվարի 2024
ՌԴ–ն շարունակում է շփումները ՀՀ–ի հետ՝ ՀԱՊԿ–ի մասին Փաշինյանի խոսքերը պարզաբանելու համար․ Կրեմլ
Պեսկովը հայտարարել է, որ Մոսկվան շարունակում է շփումները Երևանի հետ, որպեսզի պարզաբանի ՀՀ վարչապետ Նիկոլ Փաշինյանի հայտարարությունները ՀԱՊԿ–ում անդամակցության «սառեցման» մասին
16:25
23 Փետրվարի 2024
Պեսկովը մեկնաբանել է ՀԱՊԿ–ում ՀՀ մասնակցությունը սառեցնելու մասին Փաշինյանի հայտարարությունը
Կրեմլից մեկնաբանել են ՀԱՊԿ–ում ՀՀ մասնակցությունը սառեցնելու մասին Փաշինյանի հայտարարությունը
11:05
23 Փետրվարի 2024
Ադրբեջանը նոր հարձակում է պատրաստում Հայաստանի վրա․ Փաշինյան
Ադրբեջանն, իրականում, նոր հարձակում է նախապատրաստում Հայաստանի վրա։ Այս մասին France 24-ին տված հարցազրույցում ասել է ՀՀ վարչապետ Նիկոլ Փաշինյանը
22:58
22 Փետրվարի 2024
Բորելը ցանկանում է այցելել Հայաստան․ ԵՄ դեսպան
Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը ցանկանում է այցելել Հայաստան
13:10
22 Փետրվարի 2024
Պատմության մեջ առաջին անգամ Ֆրանսիայի պաշտպանության նախարարը կայցելի Հայաստան
Ֆրանսիայի պաշտպանության նախարարի առաջին այցը Հայաստան
22:47
21 Փետրվարի 2024
Փաշինյանը Մակրոնին հրավիրել է Հայաստան՝ մասնակցելու Ազնավուրի 100–ամյակին նվիրված գալա–համերգին
Փաշինյանը հրավիրել է Ֆրանսիայի նախագահ Էմանուել Մակրոնին պետական այցով այցելել Հայաստան
15:18
19 Փետրվարի 2024
Ուկրաինայի հարցով Մոսկվայի և Երևանի դիրքորոշումները տրամագծորեն տարբերվում են․ Պեսկով
Պեսկովը մեկնաբանել է Փաշինյանի հայտարարությունն Ոկրաինայի հարցով
10:39
19 Փետրվարի 2024
Ուկրաինայի հարցով Հայաստանը Ռուսաստանի դաշնակիցը չէ․ Փաշինյան (ՎԻԴԵՈ)
Փաշինյանը հայտնել է իր դիրքորոշումն Ուկրաինայի հարցով․ ՎԻԴԵՈ
18:01
17 Փետրվարի 2024
Մյունխենում հանդիպել են Փաշինյանն ու Ալիևը․ ի՞նչ են պայմանավորվել
Մյունխենում հանդիպել են Փաշինյանն ու Ալիևը․ ի՞նչ են պայմանավորվել