Հայաստանի ԱԱԾ և ՌԴ ԴԱԾ ներկայացուցիչները քննարկեցին երկկողմ համագործակցության հարցեր
Սպտեմբերի 8-9-ը Երևանում կայացավ ՀՀ Ազգային անվտանգության ծառայության և ՌԴ ԴԱԾ ներկայացուցիչների խորհրդակցությունը երկու գերատեսչությունների ղեկավարների՝ գեներալ-լեյտենանտ Գորիկ Հակոբյանի և բանակի գեներալ Ալեքսանդր Բորտնիկովի գլխավորությամբ, «Նովոստի-Արմենիա» գործակալությանը հայտնեցին ԱԱԾ մամուլի ծառայությունից։
«Խորհրդակցության ընթացքում քննարկվեց երկու երկրների անվտանգության շահերին վերաբերող ծայրահեղականության և միջազգային ահաբեկչության, կազմակերպված հանցավորության ոլորտում երկու գերատեսչությունների պայքարի, գիտատեխնիկական համագործակցության հեռանկարների, տարբեր ոլորտներում օպերատիվ տեղեկատվության փոխանակման և այլ հարցերի լայն շրջանակ»,- ասվում է հաղորդագրությունում։
«Նման ամենամյա հանդիպումները նպաստում են երկկողմ համագործակցության և փոխգործակցության արդյունավետության բարձրացմանը»,- նշեցին մամուլի ծառայությունից։
Խորհրդակցության ծրագրի շրջանակներում ՀՀ ԱԱԾ և ՌԴ ԴԱԾ ղեկավարներին ընդունեց ՀՀ նախագահ Սերժ Սարգսյանը։ -0-