Սևանում մոտորանավակների բախման հետևանքով մեկ մարդ է զոհվել. ոստիկանություն
24.08.2009,
17:33
Սևանում մոտորանավակների բախման հետևանքով մեկ մարդ է զոհվել. ոստիկանություն
![Սևանում մոտորանավակների բախման հետևանքով մեկ մարդ է զոհվել. ոստիկանություն Սևանում մոտորանավակների բախման հետևանքով մեկ մարդ է զոհվել. ոստիկանություն](/upload/iblock/288/hk777utetws4ml3iqymikgysfj76h5vy.jpg)
Սևանում մոտորանավակների բախման հետևանքով մեկ մարդ է զոհվել, հաղորդում է ՀՀ ոստիկանության մամուլի ծառայությունը:
Հաղորդագրության համաձայն, դեպքը տեղի է ունեցել նախորդ ուրբաթ:
«Օգոստոսի 21-ին, ժամը 15.00-ին, ոստիկանության Սևանի բաժնում հաղորդում է ստացվել, որ մահացած վիճակում իրենց մոտ է տեղափոխվել 1955 թ. ծնված Գագիկ Հակոբյանը: Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ Գ. Հակոբյանը մահացել է իր և 1980 թ. ծնված Վարդան Ա.-ի վարած մոտորանավակները միմյանց բախվելու հետևանքով»,- ասված է հաղորդագրության մեջ:
Կատարվում է նախաքննություն:-0-