Սևանա լճում երիտասարդները հազիվ են փրկվել՝ ջուրն ընկնելով հեծանիվ-նավակից

ԵՐԵՎԱՆ, 21 օգոստոսի. /Նովոստի-Արմենիա/. Երկու երիտասարդներ հազիվ են փրկվել Սևանա լճում՝ ջուրն ընկնելով հեծանիվ-նավակից, «Նովոստի-Արմենիա» գործակալությանը հայտնեցին հանրապետության Փրկարար ծառայությունից:

Միջադեպը տեղի է ունեցել Սևանա լճում` Ծովագյուղի հարակից լողափում: Ջրափրկարարները Լոռու մարզի Մարգահովիտ գյուղի բնակիչներ` 19-ամյա Ա. Սիմոնյանին և 21-ամյա Ս. Խառատյանին դուրս են բերել ջրից, ցուցաբերել առաջին բուժօգնություն և տեղափոխել ափ:

Հետագա բուժօգնության կարիք չի եղել:-0-