ՀՀ վարչապետը Լեհաստանի դեսպանի հետ երկկողմ հարաբերություններին առնչվող հարցեր է քննարկել
ԵՐԵՎԱՆ, 18 օգոստոսի. /Նովոստի-Արմենիա/. ՀՀ վարչապետ Տիգրան Սարգսյանը երեքշաբթի ընդունել է Հայաստանի Հանրապետությունում Լեհաստանի Հանրապետության արտակարգ և լիազոր դեսպան Տոմաշ Կնոտեին` մեր երկրում դիվանագիտական առաքելությունն ավարտելու կապակցությամբ:
«ՀՀ կառավարության ղեկավարը շնորհակալություն է հայտնել դեսպանին` իր առաքելության ընթացքում ցուցաբերած ակտիվ գործունեության համար, որը մեծապես նպաստել է հայ-լեհական հարաբերությունների զարգացմանն ու խորացմանը»,- «Նովոստի-Արմենիա» գործակալությանը հայտնեցին կառավարության մամուլի ծառայությունից։
Զրույցի ընթացքում նշվել է նաև, որ հայ-լեհական հարաբերությունների մի շարք ոլորտներում գրանցվել է առաջընթաց:
Հանդիպման ավարտին ՀՀ վարչապետ Տիգրան Սարգսյանը հաջողություններ է մաղթել պարոն Տոմաշ Կնոտեին` իր հետագա գործունեության ընթացքում: -0-