Հայաստանում ինֆեկցիոն հիվանդությունների դեմ բնակչության պատվաստումը կսկսվի սեպտեմբերի 1-ից

ԵՐԵՎԱՆ, 13 օգոստոսի. /Նովոստի-Արմենիա/. Հայաստանի կառավարությունը հինգշաբթի նիստի ժամանակ որոշում ընդունեց 2009թ. սեպտեմբերի 1-ից ինֆեկցիոն հիվանդությունների դեմ բնակչության պատվաստման մասին։

Ինչպես ասաց ՀՀ առողջապահության նախարար Հարություն Քուշկյանը, պատվաստումը կիրականացվի նոր HIB-պատվաստանյութով։

«Հայաստանում կկիրառվի հնգավալենտ համալիր պատվաստանյութ՝ դիֆտերիայի, կապույտ հազի, կարմրախտի, հեպատիտ Բ-ի դեմ»-ասաց նախարարը։

Ինչպես տեղեկացրեց Քուշկյանը կառավարական բրիֆինգի ժամանակ, այն երկրներում, որտեղ երեխաների շրջանում կիրառվում է նոր պատվաստանյութը, 60 տոկոսով կրճատվել է շնչառական օրգանների հիվանդությունների, մենինգիտի և նման հիվանդություններից հետո բարդությունների թիվը։

Նախարարի խոսքերով՝ սեպտեմբերի 1-ից պարտադիր պատվաստում կանցնեն բոլոր երեխաները՝ սկսած մեկուկես ամսական նորածիններից։

«Առավել էֆեկտիվ պատվաստումը կլինի մինչև հինգ տարեկան երեխաների մոտ»,- հայտարարեց նախարարը։

Սեպտեմբերի 1-ից բնակչության պատվաստման շրջանակներում մարդկանց պատվաստումներ կարվեն նաև տուբերկուլյոզի, հեպատիտ Բ-ի, դիֆտերիայի, կապույտ հազի, կարմրախտի, պոլիոմելիտի, կարմրուկի, խոզուկի դեմ։

Հայաստանի բնակչության թիվը 2009թ. հուլիսի 1-ի դրությամբ 3 միլիոն 240,7 հազար մարդ է։--0--