Դեղին համարանիշներով հայկական տաքսիները կարող են անարգել հատել հայ-վրացական սահմանը
31.07.2009,
15:18
Դեղին համարանիշներով հայկական տաքսիները կարող են անարգել հատել հայ-վրացական սահմանը
Այս տարվա օգոստոսի 1-ից դեղին հիմնագույնի համարանիշ ունեցող մարդատար-տաքսի ավտոմոբիլները կարող են անարգել հատել հայ-վրացական սահմանը, «Նովոստի-Արմենիա» գործակալությանը հայտնեց Հայաստանի տրանսպորտի և կապի նախարարի մամուլի քարտուղար Սուսաննա Տոնոյանը։
Նրա խոսքերով՝ նման պայմանավորվածություն ձեռք է բերվել երկու երկրների համապատասխան գերատեսչությունների միջև՝ հաշվի առնելով տաքսի ծառայություն մատուցողների առաջարկությունը:
Դեղին պետհամարամիշները տրվում են գործունեության համար անհրաժեշտ բոլոր ընթացակարգերն անցած կազմակերպություններին կամ անհատ ձեռներեցներին։
Ներկայումս հանրապետությունում գործում է տաքսի ծառայություն մատուցող լիցենզավորված 563 կազմակերպություն` 6792 մեքենայով և 605 անհատ ձեռներեց: -0-