Հայաստանի արտգործնախարարն ու Վենեսուելայի դեսպանը կարևորեցին համագործակցության սերտացման անհրաժեշտությունը
Հուլիսի 20-ին արտգործնախարար Էդվարդ Նալբանդյանն ընդունեց Հայաստանում Վենեսուելայի Բոլիվարյան Հանրապետության նորանշանակ դեսպան Ուգո Խոսե Գարսիա Էրնանդեսին (նստավայրը` Մոսկվա) հավատարմագրերի պատճենի հանձնման կապակցությամբ:
Ինչպես երեքշաբթի «Նովոստի-Արմենիա» գործակալությանը հայտնեցին ՀՀ ԱԳՆ-ից, ողջունելով հյուրին` Էդվարդ Նալբանդյանը հաջողություն մաղթեց նրան դիվանագիտական առաքելության կատարման գործում և հույս հայտնեց, որ դեսպանն իր կարևոր ներդրումը կունենա Հայաստանի և Վենեսուելայի հարաբերությունների զարգացման գործում:
Նախարար Նալբանդյանն ու դեսպան Ուգո Խոսե Գարսիա Էրնանդեսը քննարկեցին քաղաքական և տնտեսական ոլորտներում երկու երկրների փոխգործակցության, իրավապայմանագրային դաշտի ընդայմանն առնչող հարցեր: Երկուստեք կարևորվեց միջազգային կազմակերպություններում համագործակցության սերտացման անհրաժեշտությունը և միջխորհրդարանական կապերի զարգացումը: -0-