ԵՐԵՎԱՆ, 20 հուլիսի. /Նովոստի-Արմենիա/. Հայկական սերիալների որակը վերջին տարիների ընթացքում զգալիորեն բարելավվել է, կարծում է հայկական ամենաճանաչված «Որոգայթ» սերիալի ռեժիսոր Ռոման Մուշեղյանը։
Ինչպես նա նշեց երկուշաբթի մամուլի ասուլիսի ժամանակ, սերիալներ ստեղծելը սկզբնական փուլում բավական բարդ էր, քանի որ չկար տեխնիկական բազա, և շատ դերասաններ հրաժարվում էին նկարահանվել սերիլաներում։
«Ներկայում իրավիճակը բարելավվել է, և սերիլաների որակը զգալիորեն բարձրացել է»,- ասաց Մուշեղյանը։
Ռեժիսորը կարծում է, որ սերիալները՝ որպես զանգվածային մշակույթի ժանր, հասարակության անբաժան մասն են։
«Անշուշտ, հասարակությունը պետք է ձգտի դեպի բարձր արվեստը, բայց դա չի կարող տեղի ունենալ միանագամից։ Այնուամենայնիվ, հայ հասարակությունը բավական լավ ճաշակ ունի»,- ասաց ռեժիսորը։
Նա հայտնեց նաև, որ սեպտեմբերին եթեր դուրս կգա «Որոգայթի» շարունակությունը, որում սցենարի փոփոխություններ կկատարվեն երկու գլխավոր դերակատարների՝ ավիավթարի զոհ դառնալու պատճառով։
Բացի այդ, ռեժիսորի խոսքերով, «Շանթ» հեռուստաալիքով կցուցադրվի հայկական արտադրության երկու նոր սերիալ։
Իր հերթին ԿՀՊԻ Էդվարդ Համբարձումյանը նշեց, որ հեռուստասերիալները հայկական կինեմատոգրաֆի զարգացման տրամաբանական փուլն են։
«Խորհրդային ժամանակներում հայկական կինեմատոգրաֆը ոչնչով չէր զիջում մոյւս խորհրդային հանրապետությունների կինեմատոգրաֆին։ Ներկայում հայկական կինեմատոգրաֆն անցել է հետուստասերիալների ժանրին, քանի որ տնտեսական և տեխնիկական պայմանները թույլ չեն տալիս մեծ կինո նկարահանել»,- ասաց փորձագետը։
Համբարձումյանի խոսքերով, Հայաստանում նկարահանած առաջին սերիալների համեմատ այսօրվա սերիալները բոլոր չափորոշիչներով բավական որակյալ են։ -0-
