Հուլիսի 20-ը Հայաստանում Մեռելոց է՝ ոչ աշխատանքային օր
ՀՀ կառավարության որոշմամբ՝ երկուշաբթի՝ հուլիսի 20-ը Հայաստանում հայտարարված է ոչ աշխատանքային օր մեռելոցի կապակցությամբ, որը հետևում է հուլիսի 19-ին նշված Քրիստոսի Պայծառակերպության տոնին։
Կառավարության որոշման համաձայն՝ երկուշաբթիի փոխարեն Հայաստանում աշխատանքային էր հայտարարված հուլիսի 18-ը՝ շաբաթ օրը։
Մեռելոց հիշատակի օրը հաջորդում է Հայ Առաքելական Եկեղեցու հինգ տաղավար Սուրբ Ծնունդ և Մկրտություն, Սուրբ Հարություն, Պայծառակերպություն (Վարդավառ), Աստվածածնի Վերափոխման տոն, Խաչվերաց տոներից յուրաքանչյուրին։
Մեռելոց հիշատակի օրը ՀՀ կառավարության որոշմամբ առաջին անգամ Հայաստանում ոչ աշխատանքային օր է հայտարարվել 2008 թ.-ի հունիսի 26-ին՝ Մայր Աթոռ Սուրբ Էջմիածնի առաջարկով։
Նախատեսվում է, որ Հայ Առաքելական Եկեղեցու հինգ տաղավար տոներին հետևող յուրաքանչյուր օր ոչ աշխատանքային է լինելու։-0-
