Քսան մարզիկներ Հայաստանը կներկայացնեն Եվրոպական պատանեկան օլիմպիական փառատոնում

Քսան հայ մարզիկներ կմասնակցեն կիրակի ֆինnական Տամպեր քաղաքում բացվելիք Եվրոպական պատանեկան օլիմպիական փառատոնin, ասվում է Երիտասարդության և սպորտի հարցերի նախարարության կայքում տեղադրված հաղորդագրությունում։

Հայ մարզիկները հանդես կգան վեց մարզաձևերում՝ ձյուդո, թեթև աթլետիկա, հեծանվասպորտ, թենիս, լող և սպորտային մարմնամարզություն։

Մասնավորապես, Հայաստանը փառատոնում կներկայացնեն ձյուդոիստներ Աշոտ Ղազարյանը (66 կգ, Երևան), Գևորգ Թորոսյանը (60 կգ, Երևան), Գարիկ Հարությունյանը (50 կգ, Վանաձոր), Մհեր Թավաքալյանը (73 կգ, Չարենցավան), Արթուր Կրոյանը (81 կգ, Երևան) և Ռոզա Խաչատրյանը (48 կգ, Երևան)։

Հայ մասնակիցների թվում են թռիչք երկարության ցատկորդուհի Թամար Բաղդասարյանը (Կապան), եռացատկորդ Գոռ Ներկարարյանը (Վանաձոր) և Էրիկ Հակոբյանը (Երևան) 110 մետր վազքում։

Երևանցիներ Վահան Վարդանյանը, Արթուր Թովմասյանը, Արթուր Դավթյանը, Անի Թունյանը և Լիլիթ Դերձյանը կչափեն ուժերը սպորտային մարմնամարզությունում, Մոնիկա Վասիլյանը և Հարություն Բանդուրյանը՝ լողում, Անահիտ Ղանջալյանը և Նունե Խաչատրյանը՝ թենիսում, Մհեր Մկրտչյանը և Վարշամ Դարբինյանը (Վանաձոր)՝ հեծանվասպորտում։ -0-