Թուրքիան ժամանակակից երկիր չի դառնա, քանի դեռ չի ճանաչել Հայոց ցեղասպանությունը. Կիպրոսի նախագահ

Թուրքիան ժամանակակից երկիր չի դառնա, քանի դեռ չի ճանաչել Հայոց ցեղասպանությունը, ասաց Կիպրոսի նախագահ Դիմիտրիս Խրիստոֆիասը երեքշաբթի «Ծիծեռնակաբերդ» հուշահամալիր այցելելու ընթացքում:

Կիպրոսի նախագահ Դիմիտրիս Խրիստոֆիասն ու նրա տիկին Էլսի Խրիստոֆիան երեքշաբթի հուշահամալիրում ծաղկեպսակ են դրել:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։--0-