Երևանում սեպտեմբերի 4-6-ը կանցկացվի «ARMENIA EXPO 2009» իններորդ առևտրաարդյունաբերական ցուցահանդեսային համաժողովը
Երևանում սեպտեմբերի 4-6-ը կանցկացվի «ARMENIA EXPO 2009» իններորդ տարածաշրջանային առևտրաարդյունաբերական ցուցահանդեսային համաժողովը, «Նովոստի-Արմենիա» գործակալությանը տեղեկացրեցին LOGOS EXPO Center կազմակերպությունից:
«Ցուցահանադեսի հայեցակարգն իրենից տարածաշրջանային և ճյուղային ցուցադրությունների միասնություն է ներկայացնում, որոնք բացահայտում են Հայաստանի ողջ արդյունաբերական ներուժը», - ասվում է տեղեկատվության մեջ:
«ARMENIA EXPO 2009»-ը տարածաշրջանում խոշորագույն ցուցահանդեսն է: Ի տարբերություն փոքր միջոցառումների, որոնք միայն մասնակի պատկերացում են տալիս արդյունաբերության առանձին հատվածների մասին, տարածաշրջանային առևտրաարդյունաբերական ցուցահանդեսային համաժողովի առաջարկությունների շրջանակը ընդգրկում է գրեթե բոլոր բնագավառները:
Կազմակերպիչների կարծիքով, առանձին ցուցադրությունները Հայաստանի խոշորագույն արդյունաբերական ցուցահանդեսի վերածելու նման մոտեցումը թույլ է տալիս զգալիորեն կրճատել ուղղակի և անուղղակի ծախսերը ցուցահանդեսի մասնակիցների և հյուրերի համար և հաջող մարկետինգի յուրօրինակ հնարավորություն է ընձեռում:
Ցուցահանդեսն ամեն տարի ձեռնարկություններին է ներկայացնում ամենալայն հնարավորությունները ներկայացնելու տեխնոլոգիաներ, համակարգեր և տարրեր, ինչպես նաև նորարար լուծումներ՝ արդյունաբերական արտադրության տարբեր ճյուղերի համար:
Ցուցահանդեսի բացման պաշտոնական արարողությունը տեղի կունենա սեպտեմբերի 4-ին, ժամը 12:00-ին՝ ՀՀ վարչապետի, կառավարության անդամների, դեսպանների, հյուպատոսների, միջազգային և հասարակական կազմակերպությունների ներկայացուցչությունների մասնակցությամբ:
Ցուցահանդեսային համաժողովը կանցկացվի ՀՀ էկոնոմիկայի նախարարության, արտգործնախարարության, կապի և տրանսպորտի նախարարության, գյուղատնտեսության նախարարության պաշտոնական աջակցությամբ:
Ցուցահանդեսին կմասնակցեն տեղական և օտարերկրյա ավելի քան 200 կազմակերպություններ, ընկերություններ և ասոցիացիաներ: Մասնակից-երկրներն են Հայաստանը, Լեռնային Ղարաբաղը, Ռուսաստանը, Ուկրաինան, Բելառուսը, Իրանը, ԱՄԷ-ն, Գերմանիան, Վրաստանը, Իսպանիան, Իտալիան, Սիրիան, Չինաստանը: Ցուցադրությունների մակերեսը կկազմի ավելի քան 10000 քառակուսի մետր:-0-
