«ՀայՌուսգազարդը» ծրագրում է Հայաստանում գազատարի նորոգման նոր տեխնոլոգիաներ կիրառել, չորեքշաբթի լրագրողներին ասել է «ՀայՌուսգազարդ» ՓԲԸ-ի գլխավոր տնօրենի տեղակալ, գլխավոր ինժեներ Աշոտ Հովսեփյանը:
Նրա խոսքերով, հուլիսի 10-ին Երևան-Արարատ մայրուղային գազատարի վրա կիրականացվեն նորոգման աշխատանքներ, որոնց ընթացքում առաջին անգամ կկիրառվեն նոր տեխնոլոգիաներ, որոնք թույլ են տալիս նորոգել գազատարի առանձին մասերը` առանց գազատարում գազի հոսքի դադարեցման:
«ՀայՌուսգազարդ» ՓԲԸ-ն Հայաստանի ներքին շուկայում ռուսական բնական գազի մատակարարման և տեղաբաշխման մենաշնորհային իրավունք ունի։ Հայաստան գազը մուտք է գործում Վրաստանի տարածքով.
Ընկերությունը ստեղծվել է 1997թ.-ին: Ընկերության կանոնադրական կապիտալում «Գազպրոմ» ԲԲԸ-ի մասնաբաժինը կազմում է 80 տոկոս, իսկ ՀՀ կառավարության մասնաբաժինը` 20 տոկոս:-0-
