Հայկական ընդդիմությունը դատապարտում է հայ պատգամավորի՝ Վրաստան մուտք գործելն արգելելը
Հայկական խորհրդարանական ընդդիմությունը դատապարտում է հայ պատգամավորի Վրաստան մուտք գործելն արգելելը։
«ՀՀ Աժ պատգամավոր Շիրակ Թորոսյանի մուտքը Վրաստան արգելելը ելք չէ իրավիճակից։ Վրաստանը պետք է խնդիրը լուծի բանակցությունների միջոցով, ոչ թե խորհրդարանի պատգամավորի մուտքին արգելք դնելով»,- երեքշաբթի լրագրողներին ասաց ԱԺ «Ժառանգություն» ընդդիմադիր խմբակցության ղեկավար Արմեն Մարտիրոսյանը։
Վրացի սահմանապահները իշխող ՀՀԿ-ից հայկական խորհրդարանի պատգամավոր, «Ջավախք» հայրենակցական բարեգործական միության նախագահ Շիրակ Թորոսյանին առանց բացատրության արգելել են մուտք գործել Վրաստանի տարածք: Այդ կապակցությամբ ՀՀ ԱԳՆ-ն հարցում է ուղղել Վրաստանի ԱԳՆ, սակայն դեռևս պատասխան չի ստացել:
Մարտիրոսյանի կարծիքով՝ Վրաստանի նախագահի սպասվող այցը Հայաստան հրաշալի հնարավորություն է երկրի բարձրագույն ղեկավարության համար կլոր սեղանի շուրջ քննարկել հայաբնակ Ջավախքի խնդիրները։
ՀՀ նախագահ Սերժ Սարգսյանի հրավերով չորեքշաբթի երկօրյա պաշտոնական այցով Հայաստան կժամանեն Վրաստանի նախագահ Միխայիլ Սահակաշվիլին և նրա տիկին Սանդրա Ռուլովսը:--0--
